家電近年推出日新月異，今次就推薦幾款多功能家電畀大家，無論獨樂樂定與眾同樂都係唔錯嘅選擇，包括有懶人用沖杯麵機，識得自動加水重幫你計埋時，另有蒸腳同時幫埋你雙腳按摩雙重體驗嘅產品，以及超級無敵洗鞋機你又見過未？
撰文：Odin ｜圖片來源：官方網頁｜編輯：Easy
2020年創意家電介紹
懶人救星一體化沖麵機($442)
呢款標榜住可以在家享受拉麵般嘅美食沖麵機，呢部沖麵機可唔可以將杯麵整到拉麵咁好味都係後話，但佢一體化功能真係值得一讚，只要加水入去煲熱佢，再將杯麵開蓋放好調整返合適高度，撳個掣就會自動加水再幫你倒埋數。除咗沖杯麵，類似嘅產品都可以用，例如沖製嘅湯類或者沖咖啡奶茶都啱用。
購買連結
足浴按摩一體化按腳機($969)
都市人雙腳好易疲勞，無論係搭完長途車定放工返屋企想鬆返下，想在家享受足浴？呢款 oFlexiSpa 蒸汽足部按摩器就幫到你，結合咗滾動按摩器及蒸汽足浴嘅雙重舒緩效果，重加入創新足部水療體驗功能，只要注入最多 4L 水落去之後，調校 3 種所需蒸氣功能以及設定所需時間 10、15及20 分鐘，加上底部 3D 旋轉式凹凸按摩效果，頂部橡膠蓋重防止蒸汽蒸發，寬敞嘅腳袋重適合唔同腳型使用。
購買連結
簡易自動洗鞋機($947)
近排成日翻風落雨，出完街好易整污糟對鞋，衫褲就話可以下下拎去洗，但鞋又點算？尤其是白波鞋，下下用手刷好無效率，不如考慮以下呢款慳位洗鞋機，部機操作功能簡易嘅洗鞋機有咩咁特別，只要注水及清潔劑後放對鞋落去扭扭個時間掣，再轉開關掣就可以自動清洗，可以同時容納多對唔同大細嘅鞋款，洗完之後利用去水管就可以將污水排出夠晒方便。
購買連結
同場加映
煲劇2020創意數碼週邊推介 手機、平板屏幕放大器簡直一流
留言 0