「朱凌凌」吳偉豪被爆跟金髮女友酒店Staycation！玩姊弟戀相差成十年！

於無綫處境劇《愛．回家之開心速遞》飾演「朱凌凌」一角的22歲吳偉豪（Ricco），憑住青靚白淨的外表加上鬼馬性格而成功入屋，網民更經常將他跟好兄弟「金城安」周嘉洛湊成一對，笑指二人根本是「好基友」。不過近日Ricco就被爆原來一直收埋一個大他十年的索爆金毛女友，二人早前去酒店staycation而令戀情曝光！

上星期四（8號）Ricco曾在Facebook公開自己在香港維港凱悅尚萃酒店Staycation的相片，雖然只有單人相，但他一時著住恤衫開餐嘆紅酒，一時又攤上床，明顯有人相伴，他更用英文留言：「有時任何人都會想留點時間給自己，去休息、去調整內心，特別是生活在充滿壓力的香港，經過數個月對度假甚至staycation的渴望後，終於到我喇，呢度房靚，嘢食好味，景又靚，到你未？」

據知，Ricco的索爆女友於雙十節（10日）當日亦有在IG貼出跟男友去酒店staycation的合照，雖然女友好醒目用貼紙遮住男友樣子，不過件衫就跟Ricco當日著去staycation的一模一樣，加上拍照背景又一樣，而且Ricco亦有點讚每張相片，意外令戀情曝光。事後，Ricco大方承認自己是相中人，不過就表示自己想低調處理感情事，女友亦迅速將IG變成私人帳號。