英國皇家郵政發行全新《哈利波特》系列郵票 10月16號發售 Fans必入手！

今次由英國皇家郵政發行《哈利波特》新系列郵票一共15款，除咗人物之外，仲有喺電影入面出現過嘅各種特殊交通工具同火盃。

15款郵票之中當然唔少得3大主角：哈利波特、妙麗同榮恩。仲有榮恩個妹金妮，同埋喺《死神的聖物》入面以葛來分多寶劍打敗敵人嘅奈威。

除咗5位學生，亦都有5位老師，分別係石內卜（Severus Snape）、黑魔法防禦術老師路平（Remus Lupin）、魔藥學教授史拉轟（Horace Slughorn）、赫夫帕夫學院老師芽菜（Pomona Sprout）以及教占卜學嘅老師崔老妮（Sybill Trelawney）。

另外仲有5款特殊工具，包括：共三層嘅騎士巴士、可以喺天空飛嘅飛天車、海格嘅摩托車、霍格華茲特快列車同埋火盃。

仲可以買埋特别相框，將郵票放喺入面好好保存。

包含5款學生同5款工具郵票嘅首日封售價係8.6歐元，約$78；而包含5款教授郵票嘅首日封就售4.55歐元，約$42。

英國皇家郵政推出多種套裝俾fans選購，詳情可以到官網查看。

有咁多種套裝可以選擇，fans千祈唔好錯過！10月16號就正式推出啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歡迎關注我們的 Facebook 與 Instagram