鋅盆、洗手盆、窗框，玻璃膠是家居最常見的物料之一。不過玻璃膠邊經過一段時間後，往往會發霉或者脫落，除了有機會令空隙藏污納垢，更有衞生問題。找師傅代工收費至少HK$1,000，所以今集【自己屋企自己救】的任務，就是自己落手重新擠膠，將發霉玻璃膠煥然一新！
第一步，先到五金店購買材料，包括玻璃膠、膠咀以及膠槍，費用大約HK$60。留意玻璃膠分為酸性及無酸性，前者價錢較便宜，後者售價較貴，但可以有效減慢膠邊發霉情況。
第二步就要用𠝹刀將舊有膠邊清除，再用沾有漂白水的毛巾將空隙完全清潔。之後就需要處理玻璃膠，先𠝹走玻璃膠頂端位置，扭上膠咀後，如果修補地方不算太大，只需於膠咀𠝹出一個直徑約5mm、微斜的小孔。
留意擠膠時，持槍角度微斜，而且保持慢速。如果擠膠分量太多或者出界時，網上教學指可以用手指拖拉的方式帶走剩餘的玻璃膠。但師傅就推介效果更好的「收膠」步驟，方法是將玻璃膠尾端按壓成橢圓狀或者從玻璃膠尾端𠝹出類近三角形膠片，再沿玻璃膠邊拖行一次，將剩餘的玻璃膠帶走並儲在玻璃膠尾端或膠片上。
東網網站 : https://on.cc/
東網Facebook專頁 : https://www.facebook.com/onccnews/
留言 0