柳應廷(Jer)今日(20日)踏入30歲,宣布榮升柳老闆,在社交網宣佈自家品牌JungleLofi正式誕生,MIRROR隊友Edan呂爵安連環出黑圖祝賀,而生日前夕亦首度參與主演電影《阿媽有咗第二個》的謝票活動,與粉絲們一起預祝生日。
Jer今日生日,下午貼出多張穿起自家服裝品牌的相片,宣布自家品牌成立,寫道:「Birthday Gift for you guys.11.20」。他亦有在IG Story貼出粉絲祝賀他生日的插畫,而另一邊廂,片中飾演Jer母親的毛舜筠亦有留言:「仔,生日快樂」。至於MIRROR隊友Edan,就連環出黑圖祝賀:「今日生日,你睇你笑得幾開心,Jer哥生日快樂」、「咦,今日佢新brand出世喎!咁要整多張賀吓佢先得!」
生日前夕,昨日Jer首度參與《#阿媽有咗第二個》謝票,與導演彭秀慧一口氣參與15場謝票,不少粉絲在現場合唱生日歌預祝Jer生日快樂,Jer亦有清唱,並透露生日願望:「希望快啲開show,喺舞台上同大家見面。」
Jer坦言入行首次參與電影謝票,感到相當緊張,不知道要做甚麼,又想起當年首次拍劇的體驗:「到了拍《阿媽有咗第二個》,我已跟鏡頭成為朋友,會自然地去演好角色,所以大家入場時,會睇到一個活生生嘅角色。」被粉絲問到拍攝經歷,他直言曾經迷失:「有一場要我演喜劇,劇情講一班同學嚟我屋企,我要偷偷收起姜濤對鞋,我有啲迷失,結果拍咗十幾廿個take,有時覺得演喜劇比演感情戲仲難!」
Jer又提到一場與母親毛姐的鬧交戲。「其實要對住毛姐發脾氣好難,但毛姐好好,加上整個團隊都令我好放鬆,可以好放肆地喺媽咪面前發脾氣。」另一場與姜濤的打交戲,他說當日二人在化妝間試鏡時,姜濤太投入角色而當場大喊,要知道偶像好少洩露個人情緒,這次也是他第一次睇到姜濤完全放低自己,非常難忘。