連詩雅懷孕後沖涼有老公摻扶　爆陳家樂變成熟「好似成長咗」

連詩雅（Shiga）去年4月與陳家樂結婚，兩人婚後曾表示努力造人，直到今年2月，連詩雅在社交平台上宣布懷孕。Shiga早前擔任好姊妹陳自瑤（Yoyo）主持的《香港婚後事》嘉賓。談到結婚半年左右便造人成功，Shiga坦言是在計劃之內，並謂到現在仍只有她和老公陳家樂知道BB性別，連老爺奶奶也不知道。

談到得悉懷孕後心情，Shiga坦言由於當時激動過籠，破壞原本安排好給家樂的驚喜：「佢放工返嚟打開門，我就喊到傻咗，嚇到佢……」Shiga透露，家樂直到產檢一刻才落下激動的淚水。Shiga續指家樂自始變成緊張大師：「就算今日嚟拍嘢，佢都會問：『咁你使唔使行山、安唔安全？』」Yoyo即忍不住在旁補充：「連去廁所都要摻扶。」Shiga聞言更正：「沖涼！沖涼！」

Shiga笑指即使處理家中狗仔大小便，家樂現在也變成「爭住做」：「我係覺得有啲感動，你會見到佢真係有個轉變、好似成長咗咁。」Shiga笑指家樂將來一定是嚴父。

小時候目標是生4個小孩的Shiga，坦言不害怕生小孩會影響夫妻感情，節目主持賴慰玲（Winki）和黎諾懿聞言即大撥冷水，並異口同聲指自己已有6年「冇好好咁瞓覺」。之後諾懿更訴說升呢爸爸後的各種可怕經歷：「我（老婆生）第一胎嗰時，我頭十日有幻聽，成日feel到有小朋友喊……」還指女人生得B多會甩頭髮，嚇到Shiga大叫「好驚」。