請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

大賣關子︱湯寶如演唱會請張學友唱《相思風雨中》?

仲要收埋鮮花蛋糕!
仲要收埋鮮花蛋糕!
寶如倒奶!
寶如倒奶!
演唱會會唔會搵學如!
演唱會會唔會搵學如!

歌手湯寶如(湯記)今日(29日)為將於11月於西九戲曲中心舉行的演唱會作宣傳,工作人員亦送上鮮花蛋糕,為10月生日的她慶祝及預祝演唱會成功。今年是她入行30年,湯記指演唱會原先3月舉行,但受疫情影響而延期:「1992年入行,都擔心過會唔會今年開唔成個騷。」她指演唱會將演繹自己及其他歌手歌曲,包括自己為紀念一位已故好友而創作的新歌《念念》:「其實4年前已寫好,因為疫情一直未有推出,其實仲有幾首新歌未出,好似Michael(黎小田)幫我寫嘅國語歌《落花流水》,亦係佢最後一首作品。(到時會唱?)呢首唔會,因為想逐隻新歌推,想將幾首新歌出一隻EP。」

她透露已邀請寶麗金年代的好友歌手擔任嘉賓,問到會否邀請歌神張學友合唱經典歌《相思風雨中》?她説:「我都想呀,哈哈,順其自然到時咪知囉。」又表示會邀請黎瑞恩及劉小慧等到場欣賞。問到囝囝會否撐場?她指16歲囝囝已長大有選擇自由,笑言相對媽咪的歌曲,更喜歡男團MIRROR的作品,12子中尤其喜愛Anson Lo(盧瀚霆):「我有時喺屋企練歌佢會叫我細聲啲,哈哈!佢有講到時會送花畀我,其實由細到大每次我開騷佢都會到一到探我就走,因為第二朝要返學。(你同佢講會唱Anson Lo啲歌可能會嚟?)唔好唱壞人哋啲歌啦,哈哈。」

談到疫情放援,湯記表示正計劃騷後飛日本旅遊:「去一個星期都好吖,放鬆下,好耐冇坐過飛機,睇啲旅遊特輯睇到流晒口水。」談到生日願望,她希望疫情快過,大家都身體健康。

東網網站 : https://on.cc/東網Facebook專頁 : https://www.facebook.com/onccnews/

查看原始文章