近年愈來愈流行素食文化，不少素食自助餐都每日爆滿要訂位，其實除了素食自助餐外，亦有不同各式各樣的選擇，今次小編就幫大家集齊不同菜式的素食餐廳，以後就唔駛周圍搵啦～
素食自助餐
素食自助餐相信是最為人熟悉的素食之一，有多款純素、蛋奶素菜式選擇，由中式熱盤、炸物、Pizza到日式素壽司都應有盡有。
點擊圖片放大
延伸閱讀：[
6大素食自助餐推介 尖沙咀每日／銅鑼灣放下素／旺角走肉朋友／北角無肉食
](https://food.ulifestyle.com.hk/restaurant/news/detail/2316825/6大素食自助餐推介-尖沙咀每日-銅鑼灣放下素-旺角走肉朋友-北角無肉食?ref=extended)
其中小編就推介大角咀人氣自助餐「走肉．朋友」，平均每兩個月就推出新款主題菜式，而且素菜款式特別，想試的朋友記得訂位啊！
點擊圖片放大
日式素食
日式素食擺盤簡約，用蔬菜等天然食材做出精緻美食。小編推介這間再黃竹坑及佐敦都有分店的「MUM Veggie Cafe」，餐廳提供家庭風定食，可選3或4項小菜，配五穀炊飯、味噌湯及茶。
點擊圖片放大
另外深水埗的這間小清新Cafe「素年」亦有提供日式定食，另外還有美式漢堡、意粉及下午茶等！
點擊圖片放大
素食酒吧
素食都有酒吧？你無睇錯，中環一間酒店今年開了間素食酒吧，提供多款素菜，有純素、蛋奶素，更有Gluten-free無麩質選擇，另外當然唔少得一系列葡萄酒、Cocktail雞尾酒及啤酒啦～
點擊圖片放大
中式素點心
講到素食，好多人都會想起中式齋菜，不過中式齋菜並不如想像般無味、無新意。觀塘這間人氣純素餐廳「尚素」就主打粵式點心，週末更有純素放題，提供多款素菜，包括黑松露點心、糖水甜品等。
點擊圖片放大
素拉麵
街外日本餐廳的拉麵多數以豬骨為湯底，很難找到素拉麵，不過最近就有一間日本過江龍拉麵店來港，這間店就推出一款香港限定拉麵，湯底以15種新鮮蔬菜煮成，味道清甜，追求健康和素食朋友都可放心享用。
點擊圖片放大
另外素食餐廳Green Common最近亦推出多款新素菜，其中就有款素豬骨湯底博多拉麵，素食者可以試試～
點擊圖片放大
延伸閱讀：[
Green Common中環新推素菜 素Pizza／黑糖抹茶豆奶／素拉麵
](https://food.ulifestyle.com.hk/restaurant/news/detail/2336684/Green-Common中環新推素菜-素Pizza-黑糖抹茶豆奶-素拉麵?ref=extended)
印度素菜
印度過江龍餐廳Kailash Parbat去年於尖沙咀開設首間香港分店，以Fusion天然印度素菜為主打，部分餐盤器皿以交通工具為造型，多哂過癮。
點擊圖片放大
墨西哥菜
鍾意食牛油果的朋友就要試試這一間餐廳，灣仔墨西哥菜Verde MAR去年就推出一系列以新鮮牛油果入饌的菜式，有純素及蛋奶素選擇。
點擊圖片放大
西式素菜
外國很多地方都流行素食，所以香港不少西式餐廳都提供素食選項，讓客人有更多元化的選擇。這間拿坡里薄餅店「HOMESLICE」主打自家製作、發酵48小時的酸麵糰薄餅，並用上傳統意式焗爐烤製，呈現地道風味。餐廳提供多款經典口味招牌薄餅，亦有專為純素人士而設的素食薄餅。
點擊圖片放大
另外，荃灣南豐紗廠去年開幕，多間食店進駐，其中就有兩間提供素食，分店是主打健康西式素食料理的「Joie Plant Based Bistro」及美式漢堡店「Honbo」。
點擊圖片放大
延伸閱讀：[
荃灣南豐紗廠9大新食店進駐 開放時間＋地址＋交通詳情懶人包
](https://food.ulifestyle.com.hk/restaurant/news/detail/2234894/荃灣南豐紗廠9大新食店進駐-開放時間-地址-交通詳情懶人包?ref=extended)
素食甜品
素食一樣有甜品！西環最近開了不少素食Cafe，其中這間「Infiniti C」就主打主打無麩質素食，提供一系列的素食食品、無麩質蛋糕及精品咖啡。Cafe設計更以粉藍色為主調，更有窗邊座位可以一邊享受美食一邊欣賞街外風景，給人慢活休閒的感覺。
點擊圖片放大
中環亦有間同樣主打無麩質飲食的Cafe「Sweetpea Cafe」，出售多款賣相精緻的蛋糕，更有無糖、無奶及純素選擇，適合不同人士。
點擊圖片放大
素食飲品
鍾意飲珍珠奶茶等台式茶飲但又唔飲得牛奶？唔駛羨慕！台灣一間全素茶飲店「Nuttea堅果奶茶」早前就殺入新蒲崗開了分店，主打5種堅果製成的純堅果奶，仲有堅果奶蓋添～
點擊圖片放大
除了全素飲品店外，其實連鎖飲品店Starbucks及Pacific Coffee都分別引入Oatly燕麥奶，製作不同的燕麥奶特飲，平日上班前都可以試試！
點擊圖片放大
延伸閱讀：[
香港Starbucks推出純素咖啡 同步加推迷你店舖模型+日本同款櫻花杯
](https://food.ulifestyle.com.hk/restaurant/news/detail/2301624/香港Starbucks推出純素咖啡-同步加推迷你店舖模型-日本同款櫻花杯?ref=extended)
延伸閱讀：[
Pacific Coffee推出素食香蕉朱古力／咖啡 自由選配燕麥奶／核桃奶
](https://food.ulifestyle.com.hk/restaurant/news/detail/2324414/Pacific-Coffee推出素食香蕉朱古力-咖啡-自由選配燕麥奶-核桃奶?ref=extended)
留言 0