暖男上身！吳京為等謝楠獨自企足4粒鐘

內地「票房保證」吳京上年憑電影《長津湖》再次打破紀錄，成為中國史上總票房最高電影，喺電影中佢嘅軍人形象Ｍan到爆，但原來私底下係一個暖男，仲係一個出晒名嘅「愛妻號」！吳京太太謝楠早前喺內地綜藝節目中，講番佢同吳京嘅拍拖經歷，其中最令人估唔到嘅係，吳京竟然為咗佢可以企足4粒鐘，真係好感動呀！

謝楠話有一年要主持誇年騷，當時追緊佢嘅吳京問佢拎入場門票，但係當晚吳京到場後發覺個座位被其他人坐咗，佢又唔好意思叫人起身，所以就自己一個企咗喺出口等足4粒鐘，默默喺台上同謝楠一齊倒數，謝楠當然冧到爆啦，之佢哋就開始拍拖，最後喺2013年結婚，後之生咗2個兒子，一家四口幸福滿瀉！

東網網站 : https://on.cc/東網Facebook專頁 : https://www.facebook.com/onccnews/