郭晉安帶囡囡歎下午茶　12歲愛女五官清秀勁搶Fo

「三屆視帝」郭晉安與太太歐倩怡婚結婚多年，育有一對仔女，15歲大仔郭令山及12歲細女郭以雅。日前有網友喺社交網晒出餐廳偶遇郭晉安同囡囡撐枱腳嘅相，並寫道：「晚上吃飯發現郭晉安就坐我邊上，從小看他演的戲長大。」只見郭晉安穿着黑色外套搭配長褲，打扮相當低調，手邊仲放住一疊利是封，似乎係為即將到來嘅農曆新年做準備。

而一旁嘅囡囡郭以雅紮起孖辮，雖然帶住口罩，但都睇得出依家已經12歲嘅佢，長得亭亭玉立，氣質清麗脫俗。有網友喺貼文下留言問：「旁邊坐的時她女兒和太太嗎？」隨後貼出相片嘅網友即則回覆說：「是他女兒和她的同學。」原來郭晉安係帶埋囡囡同佢同學一齊食飯，仲非常細心幫佢哋處理食物，不愧為廿四孝老竇！！

東網網站 : https://on.cc/東網Facebook專頁 : https://www.facebook.com/onccnews/