MIRROR有花姐，ERROR都有經理人濟哥(鄧永鑄)，亦曾在ERROR節目中現過身。濟哥早前就在IG出了幾張和媽媽及家人的合照，寫下長文悼念已經離世的母親，當中更表示：「我後悔自己唔搵多啲錢，屋企人唔駛去公立醫院。」令人痛心。
前晚濟哥在IG出長文，指有家人離世的傷心遠超想像：「我相信好多人都有幻想過或者夢到過身邊親人離開，諗住會傷心流淚，但係原來遠遠唔只係咁。」文中提到媽媽7月中入院做手術：「我媽咪7月中因為尿啡去北區醫院驗到有胰臟癌，我同屋企人係擔心同驚，但係我哋都諗住多啲陪住媽咪有機會可以有好轉，但係醫生話腫瘤壓住膽管要做通膽管。」之後情況一度好轉：「做完我同屋企人接媽咪出院，當時仲係行出嚟，仲同我講話要新電話，講佢鍾意邊隻貓BB。」
不過之後不幸要再入院，而且情況急轉直下：「但係返咗屋企兩日後，佢清況突然好差，甚至行唔到，血壓下降到好低，屋企人以為只係食藥嘅副作用，但係到我媽咪嚴重到再入醫院，發現係內出血同腎衰竭，最後喺醫院3日就離開咗。」
最後更說後悔自己未能賺更多錢讓媽媽去私家醫院求醫：「我好心痛係自己未能夠俾多啲時間陪佢，我後悔自己唔搵多啲錢，屋企人唔駛去公立醫院，但係到而家我諗都唔好再諗咁多，我媽應該都唔想我諗，生活要繼續，只能以後盡力做好啲，我知佢會留意我之後嘅生活。最後，媽咪那邊見。」