足球小將玩賽馬？　良仔顏面救波最過癮

日本人的創意就是爆晒燈！多得動漫的盛行，不少宣傳也可因利乘便，最近高橋陽一的（唯一）代表作《足球小將》，便跟日本中央競馬會合作，為於5月27日舉行的「日本打吡」東京優駿賽作宣傳。

官網其中一款遊戲，玩家可以估吓由一眾《足球小將》角色策騎的馬匹，到底誰首先殺入直路並破網，真的超搞嘢！只見一眾球員不踢波改為騎馬，並由馬匹引球前進，最後還要怒射破網（唔好問點解賽道會無啦啦出現的龍門），其中立花兄弟不但二人騎一馬，更齊齊頂隻馬上天，使出絕招「一飛衝天彈跳射球」，只能講，佢兩位腳力真勁！當然，（不知何解突然出現）守方也不會坐以待弊，不但有森琦及林源三把關，還有良仔使出顏面救波，好搞嘢！

網址：https://umabi.jp/captain_tsubasa_derby/