【食是食非】拆解士多啤梨4大謎思！食之前要點洗？日本士多啤梨點分級數？點量甜度？
近來士多啤梨當造，大家尤其鍾愛日本品種，你又知不知道日本士多啤梨點分級數？甜度怎樣量度？食之前應該怎樣洗？狂食會不會肥？即刻拆解4大謎思！
撰文：Jacky Edit：Joan 圖片：Scott、新傳媒資料室 鳴謝：廖偉光先生（一田百貨）
延伸閱讀：
【開倉掃貨】限時五日 灣仔家電3折起開倉！過百款大型電器家品：暖風機＋雪櫃＋焗爐＋直髮夾 ｜灣仔開倉
士多啤梨小知識！
迷思1－ 日本士多啤梨 點分級數？
級數並不是以甜度衡量，而是份量愈重，外形愈工整，價錢愈貴。香港市面的日本士多啤梨大致分成L、2L、3L、G、DX，級數都可在原裝紙盒上查閱。市面常見的Size都是2L、3L，屬中等貨色。至於最大，外形最完好的DX 級，價錢最貴，多用於禮盒。
迷思2－甜度怎樣量度？
甜度一般以糖度計量度，不同品種都有最低甜度要求，若不符合標準就不可以原粒出售。但有時候甜度高的品種，入口未必比甜度低品種甜，皆因酸度影響了整體味道。
迷思3－日本士多啤梨特別乾淨？
現時日本種植士多啤梨都會採用有機肥料，亦會用天然方法驅蟲，但仍會用上小量農藥，建議食用前先用水沖洗，再以鹽水浸泡，就食得最放心。