華姐評判靚過出爐三甲？盤點7位歷屆高質人氣華姐，位位美貌同氣質都係無得輸！
《2018年國際中華小姐競選》喺前日(3日)舉行，來至各地嘅16位華姐佳麗喺當晚競逐出三甲嘅殊榮，當晚大會仲請到歷屆港姐同華姐代表擔任嘉賓同評判，就連一班TVB靚女藝人都有盛裝到場，絕對星光熠熠！
不過當晚嘅賽果就大爆冷，賽前被視為大熱嘅16號伍殷嬅三甲不入，由來自紐約嘅10號佳麗李思佳(中)奪冠，至於亞軍同季軍就分別由6號劉思延(左)同3號香港代表雷莊兒(右)獲得～
而一眾網民就明顯對今屆參選佳麗唔多滿意，仲話出席嘅女評判個個都靚過三甲咁話，當晚有份出席嘅黃心穎、沈卓盈、龔嘉欣、譚凱琪等都靚爆鏡，養眼程度的確係壓過一班參選佳麗～
Grace Chan（@ghlchan）分享的貼文 於 PST 2018 年 2月 月 4 日 7:27 下午 張貼
Jess Sum沈卓盈?（@jessie_sum）分享的貼文 於 PST 2018 年 2月 月 3 日 11:17 上午 張貼
黃心穎 Jacqueline B. Wong（@jacquelinebwong）分享的貼文 於 PST 2018 年 2月 月 3 日 6:24 上午 張貼
不過其實過往咁多屆華姐嘅質素都相當之高，幾乎每一個都獲封為女神，就等小編同大家盤點一下歷屆高質華姐喇！#01 岑麗香 (2010年華姐冠軍)
Eliza Sam 岑麗香（@heungheungeliza）分享的貼文 於 PST 2018 年 2月 月 3 日 10:53 上午 張貼
貴為2010年華姐冠軍嘅香香公主當晚亦有盛裝出席，她以一身Deep V裸色透視長裙現身，一眾網民都大讚佢身材Fit爆，仲話哩身性感造型配上佢嘅甜美笑容真係靚絕全場，唔少人都話唔至男仔見到心心眼，就連女仔都覺得佢超靚！#02 陳凱琳 (2014年華姐冠軍)
Grace Chan（@ghlchan）分享的貼文 於 PST 2018 年 2月 月 1 日 7:45 下午 張貼
陳凱琳絕對係少有嘅港姐同華姐嘅雙料冠軍，當年選舉以大熱姿態參選，幾乎毫無懸念地登上冠軍寶座，帶有混血感嘅深邃五官令人留下深刻印象～#03 張曦雯 (2012年華姐冠軍)
Kelly Hei Man Cheung 張曦雯（@kelllycheung）分享的貼文 於 PST 2018 年 1月 月 29 日 8:36 下午 張貼
張曦雯近年憑著爽朗嘅「打機女神」形象俘虜咗唔少男生，加上超火辣身材同高顏值，每一樣都係令男生不自覺愛上嘅本錢，佢嘅高貴性感絕對唔係普通女仔可以模仿得嚟！#04 鍾嘉欣 (2004年華姐冠軍)
鍾嘉欣 official（@chungkayanlinda）分享的貼文 於 PST 2018 年 1月 月 5 日 7:35 上午 張貼
依家已經成為幸福人妻嘅鍾嘉欣當年就以大熱姿態奪冠，係TVB拍劇期間更加備受力捧，更有「嘉欣BB」嘅稱號，就算依家做咗媽媽，美貌依然係超出眾！#05 李亞男 (2005年華姐冠軍)
李亞男Leanne（@therivergirl）分享的貼文 於 PST 2018 年 2月 月 3 日 9:00 上午 張貼
同樣已經被私有化嘅仲有嫁咗俾王祖藍嘅李亞男，佢嘅清純氣質同埋高挑身材都令女仔非常羨慕，佢溫柔體貼嘅性格就連好姊妹王君馨都大讚，仲講笑話如果自己係男仔實娶佢返屋企～(笑)#06 陳法拉 (2005年華姐亞軍)
Fala Chen 陳法拉（@falachenfala）分享的貼文 於 PST 2018 年 1月 月 16 日 3:24 下午 張貼
而2005哩一屆除咗李亞男之外，就連亞軍陳法拉都非常受大家喜愛，佢有酒粒嘅甜美笑容殺死唔少男仔，亦都係另一個獲網民封為「BB」嘅女明星，依家去咗美國深造嘅佢依然係魅力不減，IG不時post出嘅靚相都超驚艷！#07 苟芸慧 (2009年華姐冠軍)
Christine Kuo 苟芸慧（@joyfulck）分享的貼文 於 PDT 2017 年 10月 月 7 日 3:43 上午 張貼
人稱「苟姑娘」嘅苟芸慧一樣係索女代表，美貌堪稱360度零死角，就算身形暴漲嘅個度時間都依然keep到靚樣，真係無邊幾個女明星可以做到！
睇返以上咁多位歷屆高質華姐，唔怪之得網民對於今屆佳麗質素唔收貨喇！唔知道係大家心目中邊個係最靚嘅一個呢？
Text： Girls editorial
Photo Source：instagram, tvb, weibo