意外發生後兩個月舞者們出文求交代 So Ching再鼓勵阿Mo：你一定會好番！

MIRROR紅館演唱會嚴重意外發生至今兩個月，舞者李啟言(阿Mo)仍然留院，女友So Ching(蘇芷晴)昨晚在IG限時動態深夜出文：「兩個月喇，我望住你，我知道我哋無其他選擇。你一定會好番！」而一班舞者亦有出文求交代，方芷欣(方方)更上載和阿Mo合照留言指二人因為紅館表演而認識：「我從來無諗過，good show原來唔止係一份祝福，係祈求。我從來無諗過，原本擁有夢想既地方，同一樣既天花，可以一夜之閰孌成惡夢。我從來無諗過，我會害怕紅館呢個地方。」

一群舞者昨日(28日)亦有在社交平台發文，包括舞蹈員方方指阿Mo近兩個月長期只能看到天花板：「一個平常人都未必能夠接受，何況係我咁貪靚跳舞咁叻嘅朋友？」亦求有關方面的交代：「邊個可以行出嚟解答我哋嘅疑問？點解唔畀傷者一份應有嘅尊重？一個交代好難嗎？一句誠懇嘅公開道歉好難嗎？希望呢個地方仍然能夠容納希望。希望呢個地方仍然能夠彰顯公義。」

舞蹈員團體RORRMI隊長Saiter：「係咪可以為將來既行業作到些少改變，至少係安全方面嘅保障可以大大提高？」還有Nok：「舞台並唔係俄羅斯輪盤，並唔係一個artist、dancer、musician及舞台工作人員嘅一個生死遊戲。」Longkit：「覺得做咩都好似徒勞無功；不忿係我哋依然欠缺一個有條理既交代，俾返各單位同啊 MO 應有既尊重。」ManC：「我們需要一個交代，還Mo一份尊重。」Canny：「一直在等調查結果、一個交代，等到什麼時候？不知道。最後事情會被冷卻被淡忘嗎？不知道。我也不想在第三、四、五、六個月、一年後……仍然有同一個疑問、憂慮。」