💕今次同個朋友一齊去銅鑼灣睇衫，想揀條裙遲啲去party着。行完幾間銅鑼灣大商場之後，我哋都想去食啲嘢，於是我哋就去咗Donki附近一間日式餐廳。佢哋嘅名係pancake專門，餐牌除咗一號同日式嘅餐點，仲有好多款pancake同蒙布朗😚
😚我哋今次就一人揀咗一份餐點兩杯嘢飲同一個pancake試吓。pancake嘅種類真係十分之多🤣，我哋都揀咗好耐先可以揀到一款🤣
🐮雪花牛日式燒汁丼 配湯同沙律 $128
成個套餐一上枱，氣勢十足，有成個木架裝住成個飯。雪花牛雖然未去到入口即溶，但牛味都重，肉質嫩滑。而米飯就是用咗珍珠米，米飯煮得啱啱好，配上日式燒汁，每粒米飯都俾啲日式燒汁包住。另外跟餐嘅沙律都十分之新鮮同爽脆，粟米湯，真係用咗粒粒粟米打成，甜味係純天然嘅粟米味。
🐮香燒牛小排蘑菇汁配烏冬 跟餐送湯同沙律 $128
每一塊牛小排上面都有炙燒過，所以牛味，同埋油脂都迫咗出嚟，所以就好香。再配上佢嘅蘑菇汁，真係有大大粒菇，菇味道好香，成個蘑菇汁都好香，亦都好香奶味。烏冬都彈牙，吸滿晒啲蘑菇汁。
🥞蘋果金寶pancake $118
呢間pancake專門店， pancake屬於比較似蛋糕嘅口感，口感比較實在啲😛今次呢個蘋果金寶pancake，味道都唔錯，蛋糕睇都鬆軟，蛋味香，上面就有啲蘋果粒粒煮成嘅蘋果醬，玉桂味都好香。仲有鋪滿左好似菠蘿包皮咁嘅脆脆，都幾特別。不過個人唔係太鍾意食咁甜，鍾意食甜嘢嘅朋友可以試吓😚
🍹抹茶富士山 $48
🍹焙茶富士山 $48
兩杯都係打卡嘅首選，除咗個樣靚之外，味道都好唔錯，甜度係非常之低，啱晒我。而兩杯喺牛奶面頭都有一層好厚嘅奶蓋，兩杯嘅茶味都好香龍。所以真係好唔錯，值得推介💕
✅整體來講，其實味道唔錯，不過份量可以再多少少，又或者可能我哋行街太肚餓。以pancake方面，佢哋係屬於比較偏向海棉蛋糕嘅口感。環境方面，其實好舒服，入咗去就好似真係有咗去日本嘅感覺，感受得出佢哋對裝修嘅用心💕
📍 Pancake 專門 (銅鑼灣)
銅鑼灣百德新街57號海華大廈地下B號舖
▼ Follow we2log
留言 0