馮允謙（Jay）在尖沙咀舉行《LOVE & LOSS》新碟發布會，父母、哥哥、孖生細佬、舅公及C AllStar成員梁釗峰、陳健安到場支持。Jay演唱多首歌曲，又說來年希望可拍電影，想飾演黐線佬，相信會有好多發揮。另外，Jay宣布3月將於紅館舉行演唱會，表示心情好緊張。他說：「等咗11年，每個歌手都好想喺紅館開騷，好感恩入嚟呢間公司漸漸起步，今年7月喺九展開騷，話咁快又開紅館騷，我當然『?飯應』。」Jay最初聽到開紅館騷消息好驚訝，坦言公司好錫自己，好願意幫他。
談到已放寬全館入座，Jay直言很好，但有一定壓力。他指家人會來港捧場，但哥哥於3月或要往紐約公幹：「如果佢唔嚟冇得做兄弟，上次我都嬲細佬，佢知我開騷都去旅行。」至於女友可會回來捧場？他表示一定會返來，如果不返冇女朋友喇…因為這件事對他很重要，希望大家參與。他會考慮到時除衫，也可跳舞。前晚他泛淚獻唱給天國的嫲嫲，他說因太heavy，不是每次也選唱此歌。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
留言 0