一句再見代表道別，亦代表未來再會。Jay Fung新歌《會再見的》正以此為題，唱出一首令人感同身受嘅動人作品。
「掠過的風景 加速了別離 重聚太短 難伴你再走遠 內心多少會酸」
身處依個離別成為日常嘅時代，不論係離開定留低，生活都有所改變，各自要面對眾多新挑戰。能夠齊齊整整同親友相聚嘅時間越見罕有，或多或少會產生隔膜，令人感到孤獨，非常唔習慣。
然而，即使身隔兩方，只要彼此心中有大家，關係仍然可以如以往般緊密，繼續成為大家支柱，互相陪伴支持，有需要時就會出現，距離再遠都無法阻隔。道別雖然定會傷感，但並唔代表完結，而係為了下一次重逢。過去我一直在旁，未來亦會依舊，說了再見，就會再見。
「It’s not the time for us to say our goodbye別害怕分隔開 彼此約定未會刪改」
人一生中就係要不停面對各種離別，好多時唔到我地控制。可以做嘅只有珍惜每次相處時光，珍惜身邊每一位，花多啲時間關心重視嘅人，最重要係不留遺憾。
「高低 尚有我陪伴分享更多 總可將這現況的隔阻 打破 再一起過」
《會再見的》旋律輕柔，演繹充滿感情，彷似用音樂隔空比大家一個擁抱。聽完內心有份感動同溫暖，係送比香港人嘅窩心禮物。
「別害怕手放開 彼此約定謹記於腦海 一天再續沿途精彩 唯望你亦能看開」
馮允謙今年相當勤力，嚟到依刻已經推出咗六首派台歌，包含曬快歌、慢歌，甜蜜、抒情、輕鬆嘅作品，非常有機會衝擊男金。Jay Fung亦承接去年紅館精彩嘅演出，再次舉辦演唱會，期待會帶嚟更多驚喜以及滿滿能量。
Good Show Jay！
“No it’s not the end I’ll see you my dear, again”
最後，道別其實並不可怕，不妨嘗試以笑面對，再好好期待下一次再會🫶
《會再見的》 馮允謙
作曲：馮允謙
作詞：亞木
編曲：蘇道哲
監製：蘇道哲
「It’s not the time for us to say our goodbye
別害怕分隔開 彼此約定未會刪改
想想往日同途精彩 伴你說將來
See you soon, it’s not a goodbye
年月 若不安記住要找我
哪個時間都可
來日 願再見時相好像最初
高低 尚有我陪伴分享更多
總可將這現況的隔阻 打破
再一起過」
▼Follow hkpopculturelover
Instagram: https://www.instagram.com/hkpopculturelover/
留言 0