【中秋】女友未能幫手煮飯遭禁上門 港男呻:搞到宮廷劇
不少人會趁中秋節與家人團圓，尤其是老人家對家庭聚餐更加上心。不過有港男卻因為中秋飯而非常苦惱，他現在跟女友同居，早前媽媽問女友做節當日能否提早回家學煮飯，而女友卻以工作為由婉拒，令媽媽非常不滿，更下令「唔好帶女朋友返嚟食飯」。港男嘆「食餐飯啫，都要搞到好似宮廷劇咁！」，對於無辜變磨心感無奈。
Photo from 《BB來了》劇照
中秋節媽媽突禁女友出席做節
事主早前在香港討論區以「中秋節阿媽叫我唔好帶女朋友返嚟食飯」為題發文，他表示自己跟女朋友同居，女友跟媽媽的關係一向不錯，不時會相約行街食飯。但今年媽媽突然著他「唔好叫女朋友上嚟食中秋飯」，事主對於媽媽突然下逐客令感到不解。
Photo from MamiDaily
女友工作原因不能提早幫手
於是問媽媽：「係咪嗌交佢又唔肯講，又唔講係唔係女朋友做咗啲咩激嬲佢」。於是事主便向女友了解事件，得知原來媽媽早前曾叫她做節當日「早啲上去幫手順便學埋煮飯」。可是女友當日要上班，因為「唔知有冇得早放」，逐表示未必有空提早上去。
事主再跟哥哥傾談後，才知道原來未來大嫂早已答應媽媽學煮飯。事主思疑因為二人作為未來新抱有對比，令媽媽覺得「我女朋友冇阿嫂咁好」。不過事主為了息事寧人，因此沒有將此事向女朋友交代，豈料未來大嫂後來私下問女友會否提早回家幫手，令女友終於知道自己被禁出席做節的原因。
Photo from MamiDaily
事主無奈成磨心 「食餐飯搞到宮廷劇咁」
她更為此而遷怒事主，「覺得我點解知阿嫂會上去學都唔同佢講」。事主意外成為磨心，令他大感無奈，不明白二人為甚麼因為區區一頓中秋飯要鬧翻，「其實都係食餐飯啫，個日學唔到咪第二日先學囉有幾閒呀，咁都要搞到好似宮廷劇咁」。
不少網民認為事主媽媽太小器，「你媽媽架子太大，無論邊個都頂佢唔順」、「未結婚已經咁大架子，嫁埋畀你真係有排受你阿媽啲氣」、「野蠻奶奶」。也有人認為樓主沒有做好中間人才釀成婆媳紛爭，「上一輩人好重視節日餸菜，教下未來媳婦煮節日飯好啱；而你知道阿嫂節日有上去學又唔同女友講聲，你好冇sense」。
延伸閱讀：
【生日會】7歲仔邀請10同學參加生日會，無人回應，媽媽感心痛想轉校隱瞞一事
延伸閱讀：
【新手機】給爸爸買最新熱炒手機，惹老婆不滿，老父親留一字條令他流下男兒淚
Text：Mami Editorial
Source：香港討論區
留言 8