京士利高文：雖然我哋今季踢得唔係咁好，但我們仍然可以贏得德甲冠軍

拜仁慕尼黑係主場憑住德國🇩🇪翼鋒基拿比同法國🇫🇷翼鋒京士利高文各入一球，以2:0比數擊敗哈化柏林，暫時以1分優勢升上德甲榜首

高文接受訪問就話「今場唔係一場輕鬆比賽，雖然我哋製造唔少機會，但唔好彩嘅係球隊係上半場搵唔到入波，之後我哋係下半場搵到兩個精彩入波，再次重返德甲榜首。呢樣對我哋嚟講真係好重要，不過我又覺得自己嘅入波係有啲運氣成分😂。」

講到爭德甲冠軍嘅形勢，高文就話「我哋已經做好準備。老實講，我哋今季踢得唔係咁好，尤其係下半季。但我們仍然可以成為德甲冠軍，我哋將會為咗德甲冠軍而全力以赴💪🏻。」