劉穎鏇冇劇拍主力做綜藝　自認眉精眼企唔怕被人呃

劉穎鏇（Tiffany）與梁凱晴今日（19日）出席無綫節目，形象健康的Tiffany笑言不想飾演賊人，因通常做賊都要蒙面，以免破壞形象令觀眾混淆，談到近年騙案嚴重，她揚言從未試過受騙：「我每次見到陌生嘅號碼嘅電話，我都唔會接，收到陌生號碼嘅訊息會刪除，而且以前身邊有朋友試過被人Hack咗入電話，畀人攞晒啲資料，搞到我好驚，自此好小心。」Tiffany屬精明一族，相反但梁凱晴就曾被騙：「試過收到短訊，話我嘅積分到期，叫按咗入條連結，登入咗仲畀埋錢，後來發現被騙，我打電話去銀行截停咗條數，所以冇任何損失。

另外，提到本月24日是Tiffany的28歲生日，她透露最近日日要開工，未知生日正日是否有得休息，但若能在工作中度過也是開心事。講到她近日在綜藝節目中先後飾演飛機維修員及空姐，Tiffany表示年底才有新劇開拍，現時先拍攝綜藝節目為主。

東網網站 : https://on.cc/東網Facebook專頁 : https://www.facebook.com/onccnews/