Twins演唱會突取消表演側手翻　英皇：阿嬌呢幾日唔夠血

Twins一連14場的紅館演唱會現正舉行得如火如荼，今次蔡卓妍（阿Sa）及鍾欣潼（阿嬌）二人重現初出道招牌側手翻動作成為話題之一，但鍾欣潼（阿嬌）日前場次表演完側手翻時跣腳，幸好沒大礙，但今晚（1日）在紅館舉行的第9場，卻突然取消了表演側手翻環節，其後英皇回應：「因為阿嬌呢幾日唔夠血。」

Twins今次演唱會紀念二人出道22周年，打頭陣唱出多首經典快歌Medley，包括《明愛暗戀補習社》、《二人世界盃》、《愛情當入樽》等經典，每晚二人更在唱《跅跅步哈姆太郎》時重現初出道招牌側手翻動作作結，掀起粉絲的回憶殺！

來到今晚的場次，阿Sa阿嬌唱完這首歌時，卻沒有表演側手翻，只是原地擺甫士做結尾，觀眾紛紛擔心二人是否受傷。事實上，日前阿嬌表演側手翻時跣腳站不穩，整個人失平衡跌倒坐在台上，幸好阿Sa及時扶起她，但未知阿嬌有否受傷。

其後，英皇回應傳媒查詢時表示：「因為阿嬌呢幾日唔夠血，身體弱啲，公司擔心佢再腳軟跣親會整傷，所以暫停一下側手翻。」