灣仔呢間韓式🇰🇷扒房將韓式燒肉文化融合西式乾式熟成肉類，另外有頂級1++韓牛、和牛、韓式醃肉、海鮮、傳統韓國菜式等。
最近扒房逢星期六日晚市供應「韓牛精割品味體驗」套餐，可以係席前近距離觀賞師傅切割韓牛🔪🇰🇷🐮。
✿ 韓牛精割品味體驗套餐 $720/位
套餐包含：韓國酒、韓式前菜、頂級 1++韓牛燒烤、韓式小食拼盤及主食。
韓國酒🇰🇷🥂
每人可選一款，是日精選韓國酒有柚子酒、米酒及燒酒。個人較中意柚子酒，甜度酒精適中帶有清爽果香。
韓式前菜🇰🇷🧫
傳統韓食點少得泡菜小碟。當晚泡菜五小碟款式係辣白菜、辣蘿蔔、辣芽菜、海帶、菠菜，好有韓式風味。
燒烤🔥🇰🇷🐮
享用到韓國最高級別牛肉「1++韓牛」嘅5款稀少部位：板腱肉、翼板肉、沙巴當、肩胛里肌、特級牛小排。
特別在於師傳會係席前切割不同韓牛部位，非常之打卡。同時店員對每款肉作簡單介紹，再由店員代烤韓牛。每款韓牛部位肉質、油脂及口感各有特式，但都係油花分佈均勻，肉味濃郁多肉汁。烤肉可配柚子辣醬、芝麻鹽、或加入生菜配韓國辣椒醬食用。
韓式小食拼盤🇰🇷🍽
當晚係兩款韓式醬油醃海鮮，醬油唔會過咸蓋過海鮮鮮味。韓式醬油帶子刺身肉質鮮嫩，而韓式醬油八爪魚刺身爽口彈牙。
主食🇰🇷🥘🍚
「韓牛脂飯」係韓式石鍋拌飯，有韓牛粒、牛脂肪、生雞蛋等拌飯。飯粒有牛脂、蛋香及飯焦香味，飯焦更係金黃色，相當香口。
甜品 (另+$38) 🍯🍨
食完主食已經好飽，但都想試埋甜品😋。蜂蜜雪糕香滑，蜜糖甜而不膩。
總結
呢間韓式扒房裝潢以酒紅色🍷為主調，用餐環境好有韓風同摩登。韓牛精割品味體驗套餐食物種類同份量豐富，對韓式燒肉有新體驗👍。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
MAEK JEOK 貊炙
地址：灣仔港灣道30號新鴻基中心1樓104, 104A, 105A 及 106-108號舖
電話：2609 0599
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
▼Follow konglui.food 港女食好西
Instagram: https://www.instagram.com/konglui.food/
