「跳高女神」楊文蔚被指靠運動名氣搵錢　出長文指上年無人工

香港「跳高女神」楊文蔚(Cecilia)早前宣佈接受拍拖12年的前運動員牙醫男友Daryl求婚。而幾日之後，就在社交平台再出長文，提到近年曾被指利用跳高運動提升名氣，為拍廣告賺錢，楊文蔚除回應近年生活外，更說寫下長文，是為支持「一啲仲係靜靜地捱緊嘅人」。

楊文蔚在社交平台出長文：「其實我知有人話我掛住拍廣告，唔訓練；話我霸住資源、浪費政府錢。」之後回應提到2024年沒有人工：「但現實係：2024年，我冇人工，冇比賽。膝頭三年裏面做咗兩次手術，照每日訓練、復康、默默咬實牙根撐住。我一直冇講唔代表冇嘢感受，只係覺得，努力唔需要攞嚟解釋。最難過嘅唔係辛苦，係當我咁撐緊，仲要被質疑，有時連自己都覺得對唔住自己。所以寫低呢段，唔係為咗交代，只係想留低條真實嘅路，俾自己睇，同埋一啲都仲係靜靜地捱緊嘅人。」
得到不少網民留言支持，楊文蔚也有回覆：「我哋係好鍾意返工嘅自僱人士，而家冇人工照做。I love my job ar真係」。