【實試】飲食 App 大混戰 eatigo 半價殺出重圍？即試 3 步揀好餐廳、訂座、半價埋單有幾「堅」
香港地搵食艱難，既要於云云餐廳中搵到好嘢食，又要左計右計，搵盡優惠先不至令荷包大出血。近年香港湧現有不少的美食 App，提供食評、外賣、餐廳預訂等服務，各自紛紛推出不同優惠吸客。今次就教大家試玩泰國、新加坡大熱餐廳訂座 App「eatigo」，憑半價折扣於香港冒起一年多，主打方便易用，而且優惠集中，更聲稱簡單 3 步就搵到心水餐廳、訂座、仲有高達全單半價折扣？一於等 unwire 為各位 wire 民試吓真唔真。
餐廳夠多，容易搵，零廣告滋擾
要判斷一個美食平台是否好用，最重要的當然是先檢查是否夠多餐廳選擇，不然就算有再好的優惠，也無法真正享受得到。eatigo 來港近兩年，由起初主推酒店自助餐半價，到現在擴充至不同類型選擇，目測也有近千間餐廳，例如漢堡小吃、火鍋、拉麵、車仔麵以至酒店自助餐等，其中包括港人熟悉的 Triple Os、Pizza Express、黃珍珍泰國菜、一幻拉麵、616 牛肉火鍋專門店、JWMarriot 自助餐等，都可以於 App 內找到，並一律有 10% 至 50% 折扣優惠。
▲ 清晰預覽餐廳類型、折扣、價格、評價等資料
另外，對於不願意浪費時間的香港人而言，除了餐廳數量外，在使用 App 的時候能否無干擾下快捷地找到心儀餐廳也十分重要，如果對着密麻麻的頁面，加上繁複的流程，實在不想繼續與 App 糾纏，介面設計以至使用體驗重要性不言而喻。eatigo 在這方面則表現不錯，一開 App 就可清楚見到用「地區」和「菜式」的介面分類欄目，非常清晰，尋找過程更是零廣告滋擾。此外，App 內也提供 「50 大餐廳」 、「新餐廳」、「附近餐廳」等推介方式，就算一時想不到吃什麼，都可以在這些推介中很快獲得靈感。
▲ 餐廳可透過地區、菜式分類，也有 「50 大」以及「新餐廳」清單幫你發掘新奇餐廳
▲ 地圖介面方便尋找附近的餐廳，更直接標示折扣
訂位步驟簡單，幾下搞掂，仲隨時半價埋單
找到喜歡的餐廳，自然就要訂枱。對於像筆者般不喜歡打電話的人來說，能在 App 內直接訂枱實在非常方便。無論在睡前玩電話、上班的車程上或在會議中，皆可隨時隨地確認訂枱。有些美食平台只提供所謂「食評」而不能為所有餐廳提供直接訂枱服務或直接優惠，eatigo 就主打一站式訂枱及折扣功能，平台上所有餐廳均接受訂枱，並按時段提供折扣優惠，eatigo 上所有訂座時段均一律有最少全單 10% 折扣（套餐及飲品除外），而於非繁忙時段訂座（如晚上 6:30 前或 8:30 後）更經常有高達 50% 優惠，即半價埋單，都幾吸引。只需要簡單幾個步驟就可以完成訂枱，節省打電話等麻煩流程。訂枱後更會有電郵確認，方便查看餐廳資訊，而用餐時間之前兩小時，eatigo App 更會提供通知提醒。用餐後，所有單點菜式主動會於賬單內顯示折扣。
訂位過程實測：
Step 1. 女朋友公幹回港接機後，想在機場附近食餐飯放鬆一下，看到東涌的 Pizza Express 有半價優惠，按下想要的 17:00。餐廳頁面中，餐廳資訊如付款方式及餐廳位置等亦一目了然，可以看到熱門菜式，而 50% 折扣，除飲品及套餐外，適用於主餐牌上的所有食品，不是騙人的假優惠。確保時間和人數正確後，按「下一步」繼續訂枱。
Step 2. 再次確認日期，時間和人數，輸入電話就可以完成。名字和電郵在登記帳戶時已經輸入過，因此不用再次輸入。按「確認訂座」就完成，整個訂枱流程無需預付任何費用，準時出席用餐即可。
Step 3. 訂枱完成後，會收到確認電郵，也可以在 App 內的「我的訂座」中找到訂座紀錄。整個過程很流暢，資訊如時間、人數、折扣和餐廳位置等都在頁面上清楚列出。
▲ 如果需要改時間、日期或取消預約，只要在預約時間一分鐘前開 App 處理即可，不會收取任何費用
▲ 埋單全部確實半價優惠（飲品除外），二人豪食也不用 $300，確實相當抵食！
50%折扣吸引，有不定期推廣活動
作為精打細算的香港人，着數優惠當然不能少。 eatigo 亦會定期舉辦不同推廣活動，例如 Mouthwatering Monday 和 WOW Wednesday（指定餐廳星期一、星期三全日 50% OFF）亦有 Weekend Special（週末指定餐廳全日 30%-50% 折扣，詳情按此），以及各種迎新和信用卡優惠，例如新用戶訂座輸入「SAVE25NOW」埋單折扣後額外再減 $25，另外三月內以DBS信用卡餐飲簽帳 $500 或以上即送 $50 eatigo 電子現金劵，埋單折後額外再減 $50（詳情按此），平均每週都有各類快閃或主題活動優惠。
▲ eatigo 提供大量優惠吸引新用家
總結：實用新選擇 值得一試
eatigo 在香港推出近兩年，餐廳選擇確實有不少進步，而介面亦變得更簡潔易用。在試用的時候最大的感受是其爽快的使用體驗，不會彈出全版廣告或者在餐廳清單中插入廣告，令操作不受騷擾。而主打 10% 至 50% 優惠亦相當實在，折扣適用於整個主餐牌，不像眾嘩眾取寵的優惠般限制多多，加上在地圖顯示附近餐廳和折扣的功能，要快手找到抵食好餐廳，eatigo 可算是個不錯的選擇。
eatigo 下載：按此
• 不想錯過新科技 ? 請 Follow unwire.hk FB 專頁http://facebook.com/unwirehk/
• 要入手生活科技潮物 即上 unwire store
https://store.unwire.hk/