由鄭詩君（C 君）、黃紫恩（Jojo）和謝嘉怡（Lisa）擔任主持的全新遊戲問答資訊節目《咁你都唔識》，由今個星期7月27 日起逢周四、五晚上 10 點半翡翠台播映，今次除了是 C 君相隔兩年再為TVB擔任主持外，更是首度撇甩陸永，以個人姿態為翡翠台綜藝節目擔任主持。
首集代表主持出戰的 Lisa，全程認真地好像不認真，不但「話梅」、「藍莓」分不清，更爆出一句：「因為個男人放咗個 BB 入去，令到佢咸濕」，聽到大家一頭霧水兼笑爆全場。
C君對Lisa讚不絕口：「佢參選港姐時我已經覺得佢相當有幽默感，當然可能佢自己唔知，佢間唔時會爆一、兩句爆笑嘅，同埋佢有一種純真，嗰種純真嘅幽默對個節目非常有幫助，甚至乎我自己成個節目都係睇佢，成日好期待『你有咩講呢今次？』，我覺得Lisa係呢個節目不可或缺元素。」
1995年出生的謝嘉怡，下月26日將踏入28歲。從小於蘇格蘭成長，2020年6月，為完成其父的夢想，回港參加《2020年度香港小姐競選》，奪得冠軍和最上鏡小姐獎項。
2021年8月謝嘉怡加入《愛·回家之開心速遞》劇組，飾演接龍集團實習生「呂冠君」一角；另外亦有參演劇集《有種好男人》和《新四十二章》。