日日都要返工，我真係好鐘意返工呀！香港熱門返工地點離不開幾個地點，包括觀塘、金鐘、中環、鰂魚涌、葵涌等，近日有網民在連登討論區上發帖問大家，「金鐘vs觀塘，只能二選一，揀邊度？」，引起數百位網民投票，誰料投票竟一面倒支持金鐘，並列出3大原因觀塘無可能贏過金鐘？
網民公投 觀塘VS金鐘 返工地點二選一！
連登一位網民以「金鐘vs觀塘，只能二選一，揀邊度？」為題發帖，詢問大家如果以上地方作為返工地點，會選擇哪一個？樓主認為金鐘「放工地鐵要等勁多班車先上到、公認無嘢好食、但交通勁方便、年中開始四線直達。」；而觀塘「感覺causal啲，平民區，lunch多選擇，但條街勁迫勁塞車。」
經網民投票後，金鐘得410票，而觀塘只得77票，金鐘可謂大比數勝出，贏足成條街！至於原因為何，網民就留下了多番見解，經編輯整合後大致分為3個原因。
1.觀塘區人口稠密 污煙瘴氣
網民認為觀塘區是工業及商業區混合體，本來人口已達60萬以上，加上上班人士眾多，區內早已不勝負荷，每逢繁忙都總是人貼人，加上餐廳油煙、汽車廢氣等排放物，污煙瘴氣的感覺令人非常不適，也有研究指，觀塘區的二氧化氮濃度最高，空氣勁差。一位網民直指「金鐘係商業區，觀塘係貧民窟。」根本無法比較，仲話喺觀塘做嘢，命都短幾年。
2.交通極為擠塞 搭咩都塞
如上文說到，觀塘區人口眾多，加上返工放工的大量人流，導致道路長期處於擠塞的情況，連搭地鐵也要等好多班車先上到，相信如果有在下班時間搭過觀塘線的網民更清楚，連那條向上往月台的電梯也要等至少5分鐘，地鐵等車情況仲隨時耐過金鐘！
3.食飯反而比金鐘更貴
觀塘雖然餐廳選擇多於金鐘，但網民指午餐價錢不一定比金鐘便宜（PP除外），如果唔想食頹飯，想食好啲都係要$80起跳。另外金鐘返工的網民就指平時會去灣仔食，選擇同樣多，而且價格便宜。雖然觀塘餐廳多是優點，但其實出街食飯的打工仔太多，到處都要等位，所以綜觀都係差！
留言 0