日本的櫻花季通常從3 月下旬持續到4 月中旬，某些地方的櫻花季可能會持續到5 月。前主播方健儀月初與老公到京都旅行，於酒店餐廳用餐時，目擊有旅客「伸手猛力搖晃櫻花樹」。方健儀在IG上載短片，呼籲大家「請花28秒睇睇呢條賞櫻缺德片段。」
方健儀在社交平台貼出「賞櫻缺德片段」並寫道：「我其實已經返咗來香港近一星期，但仍分享唔少日本櫻花滿開嘅圖片，係開心嘅。但我想講，唔係每幅畫面都美好，請花28秒睇睇呢條賞櫻缺德片段。」
方健儀提到與老公目擊事發經過：「事發喺京都，洪生與我喺餐廳準備食晚飯，隔著寬大嘅玻璃，見到遠處有一群難以辨認國籍嘅男女，在河邊同櫻花合照時，竟猛力搖晃櫻花樹枝，花瓣如雪片般掉下，營造落櫻浪漫效果。呢班人冇收手，再搖、三搖、四搖、五搖，chok到樹枝都散，棵櫻花好慘好慘。」
「其實，無論喺自己地方，或人哋地方，保護公物呢啲由細到大都講到打喊路嘅普世價值，永遠都會遇到，見到。但最可怕嘅係，當你糾正別人做法時，有人會合理化歪道，我試過紅葉季節見到有人摘紅葉，對方竟話「摘樹葉都係一兩片唧」、「啲葉唔摘遲早都跌」。有人問過我，覺得世上最可怕的是甚麼動物，我毫不猶豫答：「人類」。但我深信，在這可怕群體中仍然有善類，我會繼續選擇做正確及善良的事，希望大家都擁抱上天給我們的美景，別走向歪道，也別合理化歪道。」