Lolly Talk全員參加定向挑戰　踏入成軍第3年無懼女團愈來愈多

女團Lolly Talk今年以星級大使身份全員拍攝第三屆《紅十字會定向挑戰》宣傳影片，其中Sinnie（吳倩怡）及Yanny（劉綺婷）自嘲孤陋寡聞，容易焦慮，尤其在重要表演前，經過心理支援服務人員教導下，掌握了緩解情緒的方法，以及學懂做個聆聽者，多聽別人的需要。

Lolly Talk過去從未以團隊形式體驗定向活動，但阿蛋（黃詠霖）小時候參加過不少野外定向活動。「好好玩、好開心，可以四圍跑。記得有一次我們在夜晚的森林進行野外定向，當時我還小，又怕黑又怕蟲，森林裡很黑，只能用手電筒照明。當我摸到樹的時候，卻碰到了一隻粗大的蟲，嚇得我大叫，最後還要其他隊友幫我完成任務。」阿蛋笑言，現在已經不再害怕。

至於隊員間誰是「路痴王」？Mei Mei（曾美欣）自認與Yanny最認得路：「另外6個妹豬點解唔係咁認得路呢？我諗因為平時我哋做嘢、去旅行，都係我同Yanny做人肉導航。但係如果我哋去工廠區開工，就會8個都變晒路痴，因為啲路呀、門口呀，太似啦，搞到我哋成日都行錯路。」

Lolly Talk今年踏入成軍3周年，去年完成數字系列的作品，推出首張專輯，今年目標做更多音樂及不同的內容，Tania（陳紀澄）說：「我哋都想同唔同嘅人合作，睇吓有咩新火花。始終都踏入第3年，都想展現更成熟、更有魅力女團畀大家睇。」她們又表示去年曾多次到台灣拍節目或出席活動，今年希望有機會到韓國，Elka（鄭芷淇）分享她最期待的畫面：「最好可以拍旅遊節目，然後影住我哋勁食韓國嘢、瘋狂買買買，咁就正啦！」

至於有傳今年將有很多女團誕生，早前先有唱片公司舉辦女團招募，問到Lolly Talk計劃如何應戰？Ahyo（郭曉妍）認為是好事：「我覺得好有火，因為代表喺女團呢條路上面，有愈來愈多嘅同行者陪我們一起拼搏、一起努力。仲有一大班女仔去參加招募，為佢嘅夢想去團結、去奮鬥，其實整件事都好有能量，希望我哋有愈嚟愈多唔同嘅的可能性，大家一齊玩！」