吳浩康「職安真漢子」形象入屋豬籠入水張致恒欲東施效顰三日即「現形」

輸入影像說明

1.數到近月最紅的「職安真漢子」，非吳浩康莫屬，自去年12月宣佈效力20年的英皇後，加入地盤工作，獲網民大讚他真男人

2. 之前吳浩康喺專訪中提到，離開舊公司後，原本打算以獨立歌手同歌唱老師身份工作，但收入不似預期，教唱歌的生意大跌8成，直言去年收入是20年來最差，最後經朋友介紹下到地盤工作

3. 吳浩康近年「作品」，包括亞洲博覽館、醫院後山護土牆、中環海濱演唱會場地等搭架。他近日又自爆，自己每日6:15至6:30左右出門，到南區工作，一日工作9小時，3號風球照返工

4. 吳浩康之前提到，自從與太太郭思琳誕下兒子「撐撐」，人生完全改變，「我由出世都生仔前，都『論盡』得好緊要，但現在我絕不可能因為『論盡』，而令我個仔損失一條頭髮。」又自爆每個月支出最少5萬，唔怪得要落力開工

5. 努力有成果，過去形象麻麻吳浩康成功洗底，近日獲廣告商青睞，以「真漢子」及反串形象為連鎖快餐店拍廣告，又頻頻出show，又同火鍋店、米線專門店同健康食品合作，可謂豬籠入水

6. 養一個都要5萬，養4個更加襟計，未知是否見舊同事近日順風順水，張致恒（Steven）就東施效顰，「宣佈」考獲平安卡，更網上留言「終於有啦！有冇地盤工即PAY介紹。」

7. 有網民立即質疑Steven三分鐘熱度，「佢捱得住咩」、「坐一日就有既野講到咁難咁」、「返到半年先再講」、「做得邊一項呀佢」

8. 其太太雯雯都曾經撥冷水「為咗瞓覺自己唔去讀個平安卡。」而一般平安卡課程，只是上堂6.5小時加半小時考試，如果坐7小時都咁難捱，第日點開工？

9. 言猶在耳，公佈考獲平安卡後不足三日，Steven 兩公婆又再發功，雯雯直言無錢交租交水費，又話「我唔會再忍」，再再再再次「宣佈」離婚，到底離未?

10. 先唔比較二人人品如何，吳浩康歌藝一向唔差，上月澳門音樂會唱首本名曲擇日失戀，一樣冇走樣，對比張致恒，其歌功頂盡內地酒吧show唱一兩首歌，主辦單位唔想耳仔受罪，自然識揀

11. 講返場酒吧show，自傳出獲酬七萬後，立即引來昔日舊債主「追上門」，雯雯立即否認「七萬？如果係，我宜家唔洗咁乞丐」、佢自己再回應，「如果你哋想聽歌嘅話，我搵日開IG Live唱畀你哋聽啦，免費嘅OK？我收七萬蚊一場我就唔使咁辛苦去打工啦」。有job接都嫌，睇怕之後都幾難有人再搵佢

12. 吳浩康佢喺訪問中曾提過：「這個世代只有懶人，沒有懷才不遇」咁似講緊一個人？

13. Aayway，不論最後結果如何，娛頭都祝各娛圈各父親父親節快樂」。

娛樂