執法者們︱羅子溢持槍指證吳啟華　丁子朗黃宗澤情同兄弟

邵氏劇集《執法者們》最近在內地開播，播出以來熱度爆燈，成為網民熱捧劇集，其中羅子溢與丁子朗的角色深受觀眾喜愛。

現時播放量已超越2億，劇情開始進入結局篇，被逼上絕路羅子溢本來想以吞槍了結，結果決定持槍指證吳啟華，觀眾大讚子溢演技大躍進，子溢表示：「其實我都好鍾意個角色，因為好完整，由出身、背景、之後嘅轉變同結果，我演繹時最緊要係了解到角色嘅痛苦同有共鳴，咁就可以好好咁發揮出嚟，好高興可以參與到呢套咁有熱度嘅劇，觀眾嘅留言有讚嘅亦有需要改善嘅，我都會去吸收。」

至於丁子朗在劇中飾演古惑仔角色，跟黃宗澤（Bosco）情同兄弟，為幫Bosco調查羅子溢而遇險，對於演繹角色受到讚賞，丁子朗大感開心：「戲入面同Bosco合作好有默契，佢加咗好多即興嘅嘢，出嚟好有化學作用，雖然係古惑仔，但都係一個好有夢想的人，如果可以開第二輯，就算角色死咗，都好希望可以以另一角色參與。」

東網網站 : https://on.cc/東網Facebook專頁 : https://www.facebook.com/onccnews/