彭順陳年小三李悅彤原來好身材 多謝老公囝囝陪影性感相

34歲的李悅彤(Liddy)於14年因為生擒李心潔的老公彭順而成名，偷食事件搞到滿城風雨，事後兩人極速斬纜，彭順最終獲李心潔原諒。雖然搶人老公被千夫所指，但Liddy未有學乖，之前被揭陀B後自爆16年已經嫁人，被爆老公係澳門富二代鮑偉業，之前同樣係人夫及人父。

Liddy雖已離開娛樂圈又已嫁人生仔，但一直被網民狙擊，在社交網私訊炮轟「知唔知你罪孽幾深？」、「有冇內疚?」等。Liddy回覆網民話自己問心無愧：「我對得起所有人﹗」更大膽講出口，「夜半敲門也不驚！」更表示以後唔會再回應，因為只想低調生活，閒時搞吓網上頻道教煮食及育兒心得。

雖然想低調，但睇Liddy行為又唔太似，見佢不時上載性感相到社交平台，繼巨乳中空泳衣相後，再有低胸性感照，原來佢要佢影相，仲帶埋囡囡去，「陪攝影化妝的小人兒，長大了知道媽媽要去攝影，都配合沒有發脾氣，謝謝你和爸爸的照顧」，仲晒埋幸福。

立即下載 | 全新《星島頭條》APP: https://bit.ly/3yLrgYZ