李元元撞親細妹即爆喊　Sucy額頭紅晒反安慰家姐

藝人李璨琛與太太梁志瑩（Sophia）育有兩女李元元（Lucy）和李斐斐（Sucy），早前Lucy媽帶大女Lucy去韓國旅行，兩母女玩得不亦樂乎。近日兩母女終於返港，細妹Sucy相當開心，見家姐返到屋企就跟到實。日前Lucy媽分享了兩姊妹一起玩的短片，期間兩人還發生碰撞，兩姊妹不同的反應令媽媽忍不住笑説：「雖然妹妹成日都好周星星同學，但係佢都好愛家姐。原來佢突然間逃走係去攞紙巾比喊緊嘅家姐，仲係咁連番豬嘴錫返家姐」。

只見片中，Lucy坐在Sucy前面用頭頂細妹的肚子，逗得細妹笑得相當開心，但沒想到發生碰撞，Lucy後腦撞到細妹額頭，正當細妹想要喊時Lucy竟然搶先一步爆喊，而細妹見到呢個場面，雖然額頭被撞到紅晒，但都即刻去攞紙巾給家姐，又一直嘟嘴錫家姐，認真可愛。不過有網民笑指Lucy是「惡人先告狀」，因為驚被媽媽鬧，所以先喊一步，讓媽媽安慰自己。

東網網站 : https://on.cc/東網Facebook專頁 : https://www.facebook.com/onccnews/