鍾舒祺爬家姐頭結婚 鍾舒漫感觸：我阿妹幸福 就係我幸福

鍾舒漫胞妹鍾舒祺（Sukie）在2019年情人節，與樂隊Ever的結他手李恒韜簽字結婚，但因為疫情關係，婚禮一延再延，隨住疫情措施放寬，Sukie婚禮順利舉行，Sukie的圈中朋友包括泳兒﹑衛蘭﹑衛詩﹑胡蓓蔚﹑黃建東﹑鄧紫棋和單立文等，都有出席婚禮。

Sukie身穿吊帶低胸婚紗，由鍾爸爸引領下進場，她在台上分享做人妻感受：「你冇得返轉頭，我都幫唔到你，搞到我唔記得講乜添，太感動我係咁喊，好想同大家分享，關係上，我仲未識做一個好好妻子，我用好多時間學點做一個符合我丈夫嘅妻子，我唔係要我丈夫係我嘅The One，而係想I will be the one for him，呢個功課係漫漫長路，但我依然學緊，多謝我丈夫好包容我，thank you for coming guy﹗」現場賓客起哄叫一對新人咀嘴，場面熱鬧又溫馨。鍾舒漫在Ig貼出妹妹和妹夫的咀嘴照，並有感而發寫道：「等咗呢日好耐啦，我阿妹幸福，就是我幸福。」

（即時娛樂）