王貽興鬧爆項明生「雙面人」：你有名有姓走去老屈欺負一個細路女

抽水要抽得恰到好處，唔容易嘅，早排先被網民鬧爆在facebook扮黃在微博又唱愛國歌的「雙面人」旅遊作家項明生，雖然已經解釋過微博由「專業團隊」管理，又說不再用微博，但依然被不少網民唾棄。正當這舊事慢慢丟淡時，項明生又衝出來抽被困秘魯的港人水，再度惹來網民抱不平，連作家、演員王貽興都出文鬧爆：「為咗呃like閣下真係咩都做得出！」

事源有一名香港女生Tammy（化名）在個人facebook專頁上指因秘魯鎖國未能離開，她入住的旅舍更因為曾有確診者而被政府封鎖。適逢今日政府表示考慮派包機去秘魯接港人，項明生就在facebook出文，指Tammy 3月才出發去秘魯，是：「明知外有毒，偏向病毒行。」不過網民指出其實Tammy是在上年年尾已出發離港，而且發現指責Tammy「偏向病毒行」的項明生，曾寫文自爆：「新冠疫情爆發後的短短三個月，我已經搭了八次飛機。」在疫情爆發後共飛了八次，寬己嚴人。

之後作家王貽興亦在facebook出文，更風趣惡搞項明生早前的節目名「明治憑甚麼」，以「明生憑甚麼」為題，說他：「斷章取義，刻意誤導，屈人3月5號先出發旅行。」「你有名有姓走去老屈欺負一個細路女？」「為咗呃like閣下真係咩都做得出。」亦問他在疫情爆發後：「仲喺墨西哥玩嗰陣掃晒當地嘅口罩同消毒用品擺上網呃like，事後畀人話你就delete post，請問閣下係咪罪加七等？」亦質疑項明生只對女生「不吐不快」，但沒批評困在秘魯旅行社團友：「係咪因為閣下同好多旅行社sponsor有太多利害關係，唔敢得罪佢地，所以雙重標準剩係向無權無勢嘅細路女開炮？」最後他繼續寸爆項明生「雙面人」事件：「閣下嘅fb account係咪又係由唔同團隊管理，所以唔關你事，亦唔存在自打嘴巴或者有口話人冇口話自己嘅問題？」而且指出項明生文中寫錯「蔓延」為「漫延」：「炒咗幫你寫呢篇嘢嘅管理團啦正文盲冇文化又唔做嘢又唔讀書。」

看留言，還有網民發現項明生疑似忘記轉acount留言自己讚自己。

全文：  《明生憑什麼？》 項明生先生今日出咗個post 聲討一名被困秘魯的香港女仔 明明人地係上年十一二月已經出發去成個南美流浪 你就斷章取義，刻意誤導，屈人3月5號先出發旅行 搞到當事人畀大堆冇了解事件就信晒嘅港豬同藍絲 起底狂鬧 但睇返當事人之前嘅post 佢冇要求過港府包機救援 亦唔想麻煩其他人或者變成新增輸入個案 更加冇嫌過隔離營食物冇和牛  你有名有姓走去老屈欺負一個細路女 為咗呃like閣下真係咩都做得出 我剩係想問你幾個簡單問題  1:如果人地十一二月疫情未嚴重嘅時候出發已經畀你鬧到要落十八層地獄死不足惜，咁閣下今年二月仲繼續出發去旅行，又去日本又盛，呢幾個月自認飛過好多次，仲響墨西哥玩果陣掃晒當地嘅口罩同消毒用品擺上網呃like，事後畀人話你就delete post，請問閣下係咪罪加七等？定係雙重標準，自己唔理疫情去飛就得，人地飛就係自私抵死不負責任？  2:點解滯留響秘魯嘅除咗呢個女仔仲有香港旅行社嘅廿幾名團員，但你半句都冇批評過，係咪因為閣下同好多旅行社sponsor有太多利害關係，唔敢得罪佢地，所以雙重標準剩係向無權無勢嘅細路女開炮？  3:最緊要嘅一百萬題目：閣下嘅fb account係咪又係由唔同團隊管理，所以唔關你事，亦唔存在自打嘴巴或者有口話人冇口話自己嘅問題？ P.S 送分題：知唔知Batman入面我最憎邊個壞人角色呢？唔係成日刷存在感嘅謎語人，唔係冇料又要扮四條嘅企鵝人，而係Two Faces，即係雙面人啊！仆街！  #仆街係指黑夜之神最後雙面人嘅下場 #我兩邊面由唔同團隊管理 #所以唔存在雙重標準問題 #我兩kai屎忽亦一樣 #刷存在感 #為呃like可以去到幾盡 #係蔓延唔係漫延 #炒咗幫你寫呢篇嘢嘅管理團啦正文盲冇文化又唔做嘢又唔讀書