舊愛陳家樂有拖拍！余香凝單身闖樂壇搵到伴

藝人陳家樂當年被指遭余香凝（Jennifer）狠飛，更令他傷心落淚，分手兩年後情歸連詩雅，相反Jennifer仍然單身，繼續為事業努力拚搏。除了拍電影、電視劇雙線發展外，她還重拾唱歌那團火，早前跟Super Girls成員Cheronna推出合唱歌《天地分裂》。

提到每人都試過天使與魔鬼在心中對峙，乖乖女Jennifer坦言通常被「天使」說服，最難忘有次被老師無故批評仍默默承受：「有個老師專登留低我，話覺得我有啲讀寫障礙，之後我直情喊住咁放Lunch，因為嗰陣未聽過呢個詞語，覺得好大件事，到最後我諗我應該冇，讀書都OK㗎！」但笑言至今仍會質疑自己是否有讀書障礙：「例如Po相前條Caption，睇咗幾次都仲會質疑自己。」至於Cheronna則覺得人生最掙扎一刻是選擇應否入行：「天使話父母供養咗我咁耐，叫我孝順啲，讀埋書先諗；但魔鬼話我嘅夢想係唱歌跳舞，機會好難得。」

東網網站 : https://on.cc/

東網Facebook專頁 : https://www.facebook.com/onccnews/