最近台式珍珠奶茶和黑糖珍珠鮮奶的熱潮一浪接一浪，但其實本地的港式絲襪奶茶絕不比台式茶飲遜色，可謂各有千秋。尖沙咀有小店創新地糅合了港式跟台式奶茶的元素，讓大家重新體驗港式口味，好驚喜！店主跟2016年「金茶王」陳師傅學習沖調絲襪奶茶，研發出獨家的「溝茶」配方，加上台式配料如珍珠、仙草等，既保留傳統本地風味又有新鮮感，以後唔一定去茶餐廳先歎到絲襪奶茶啦～
店舖裝潢走懷舊風，彷如時光倒流，感覺親切。
紅色手寫餐牌、紅色燈罩、紙皮石牆身等佈置盡顯心思，每個角落都好適合打卡呢～
店主之前跟「金茶王」學藝，嚴選斯里蘭卡的紅茶葉，以幼茶、中粗茶和兩款粗茶拼配出獨門的「溝茶」配方，茶香和茶味俱全，層次更豐富。
由沖茶、煲茶、撞茶到回溫，每個沖泡過程的細節都非常講究。台主堅持人手撞茶四次，這樣才能揮發掉茶葉的草青味，令紅茶味更濃香。
茶飲可加配台灣黑鑽珍珠、仙草、咖啡啫喱、紅豆和椰果，另外奶茶選用澳洲植脂淡奶，不怕有奶羶味。
珍珠港式奶茶 （$30）
絲襪奶茶茶味濃郁甘香，飲落口感順滑不嚡口，配上煙韌珍珠好夾。
喜歡茶味濃一點的朋友可試少甜或半甜。奶茶本身已雪凍，有冰鎮效果，建議走冰免得溶冰後溝淡茶味。
港式奶茶紅豆冰 （$32）
絲襪奶茶加上紅豆和淡奶，形成漸層效果，好吸睛！入口既有茶香又有紅豆的香甜，充滿港式風味。
咖啡點子港式鴛鴦 （$30）
咖啡味較為突出，略嫌蓋過絲襪奶茶的茶味，味道亦偏甜，幸有咖啡啫喱增添口感。
小店還有加入茶樓飲茶元素的茶飲，以中式茶葉如壽眉、鐵觀音、茉莉香片和普洱調配拿鐵，中西合壁。
壽眉珍珠拿鐵 （$28）
這款口味是小店獨創，壽眉茶味清香，但奶味較為突出。
普洱珍珠拿鐵 （$28）
有陣陣香濃普洱味，但奶的比例較多，溝勻後茶味變得較為薄弱。
小店希望以茶跟大家結善緣，大家每買一杯飲品店舖就會捐$1給慈善機構，飲茶之餘仲可以做埋善事呢～
經過尖沙咀時不妨試試這幾款新派港式茶飲吧！
善茶 Caring Tea
地址：尖沙咀白蘭軒道2號地下A舖
營業時間：星期一至日 11am - 10pm
電話：5428 7899
留言 0