Omicron日澌嚴重，人人自危，醫院爆晒，確診人數日日上升，搞到必理痛出現嚴重缺貨問題，到處都被人搶購晒，有得買都要成＄80幾一盒，甚至有藥房出現假貨問題！中招都唔知點算好，係咪要轉睇中醫？
「至少＄80一盒」「屈臣氏、萬寧缺貨」
必理痛Panadol平時都會買定1、2盒睇門口，而家疫情嚴重，好多人中招都要靠必理痛舒緩，加上袁國勇呼籲大家買Panadol，搞到必理痛到處都缺貨。一缺貨自然就出現好多問題，包括假貨、炒價等。其實唔想食炒價，又或者唔想買到假貨，仲有好多辦法嘅，例如買成份、效果嘅成藥等。
網民：「香港人真係乜都炒」
必理痛Facebook不少網民都留言希望快啲補貨，到處都買唔到，感到氣憤。現時疫情問題嚴重，病咗想食個藥都可能要捱炒價，平時屈臣氏都係賣緊＄60幾。
假貨必理痛
有網民因為家人中招到藥房購買必理痛，竟然買到假貨必理痛！盒嘅包裝啲字刮得甩！好彩網民留意包裝，如果唔係食咗肚都唔知點算？！市民買必利痛記得留意包裝，可以上網睇清楚必理痛的包裝文字，真嘅必理痛會標明廠址、有電話、地址等。
唔駛食抄價，其他藥物代替必理痛
必理痛唔係根治Omicron，只係舒緩作用。所以除咗必理痛之外，使用其他同類型嘅成藥都可以做到同樣效果，只要睇清楚成份、成效。YouTuber大J都有拍過片教大家點樣配藥同買藥，大家唔好再捱抄價啦！當然最好都係唔好亂咁買，跟醫生指示。
唔知下次又可以炒咩？