張敬軒將於10月再次踏進澳門倫敦人，舉行演唱會《Dahlia Blossom HINS CHEUNG PRIME CLASSICS LIVE 2024 張敬軒澳門演唱會》，早前優先訂購及正式開賣時，門票瞬間被秒殺，由於反應熱烈，主辦方宣佈加開3場，破了去年14場的紀錄，即今年共有15場演出。
早於優先訂購當日，由於眾多歌迷湧入賣票網站而導致網絡大塞車，亦有不少炒家利用「搶飛程式」攻擊網站，令網站幾近癱瘓，十分誇張，主辦方有見及此宣佈加開3場共有15場演出。
去年加上今年，張敬軒已於澳門舉行了29場的演唱會。當一宣佈加場消息後，門票再次秒速售罄，他表示十分感恩，「真係好多謝大家嘅支持，加場係為咗買唔到飛嘅朋友仔，希望佢哋今次可以買到。今次演唱會主題係第三章，倫敦係第一章、舊年係第二章，今年係第三章嘅「THE PRIME CLASSICS」。」
張敬軒續道：「除咗集合咗過往幾站嘅特色，演繹自己嘅作品，亦會演繹其他歌手嘅作品，加入一啲新嘅元素喺入面，希望每一次嘅演出，都令觀眾有新嘅體驗。」
留言 0