張致恒陷財困呻頂唔順　公開求網民「捐錢」：求求大家幫吓手

現年39歲的張致恒 （Steven）與太太區燕雯（雯雯）婚後是非不斷，雖然雯雯多次在網上撰文嗌離婚及呻窮，因而被網民封為「離婚KOL」，依然四年抱四，睇到觀眾搲晒頭。張致恒 今日（2日）凌晨在IG限時動態上載QR code，稱「真係已經去到頂唔順嘅地步」，疑陷嚴重財困要求外界幫幫手。

張致恒 及雯雯近年屢傳財困，一家6口加上三隻狗狗的開支不少，兩公婆曾試過IG開放課金及開設製作平台，可惜發展不如預期，網民亦以做地盤養家的吳浩康為範本，勸告張致恒 腳踏實地好好工作。踏入新一年，張致恒 一家財困情況似乎仍未有改善，雯雯上月底在IG以長文吐苦水，透露有親人患癌、兩隻狗狗患、囝囝又確診患自閉症，坦承壓力爆煲，更罕有公開感謝老公張致恒 不斷學習照顧囝囝，當時曾表示：「好慶幸仲有唔夠兩個月時間，姐姐嚟到我哋就可以重生，終於可以靠自己唔需要再求別人嘅幫助。」雯雯當時在文中亦提到如果能順利度過這兩個月，希望與家中到一個地方靜靜地生活，遠離這個公開又複雜的地方。

不足一星期，張致恒 今日凌晨在IG公開一個支付平台收款QR Code求助，語氣亦頗為絕望：「我知道呢個唔係一個明智嘅決定，但係我真係已經去到頂唔順嘅地步，過埋呢個月所有嘢都可以回復正常，所以真係求求大家幫吓手。」