車Cam直擊｜何文田現「鎅車破壞王」　網民疑為天水圍「破壞王」同一人

近日網上有車Cam片段流出，顯示天水圍出現「鎅車破壞王」，一名戴口罩的黑衣男子在夜深人靜的天慈商場外，以鎖匙連環刮花至少兩部停泊於路邊的車輛，今日在網上再有車Cam片段流出，顯示一名戴口罩的中年男子，在何文田忠義街錶位，同樣以鎖匙刮花停泊的車輛，奇怪的是，刮花何文田車輛的中年漢，其眼睛與天水圍「鎅車破壞王」有幾分相似，懷疑是同一人所為。

路邊徘徊等人入錶後落手

該車Cam片段長約1分鐘，發文者稱據聞在4月拍攝，暫時未拉到鎅車人士。片段中「鎅車破壞王」佩戴口罩，身穿啡色風褸長褲，相信是與4月時氣溫較低有關。該「破壞王」在忠義街錶位徘徊，待入咪的司機行開後，便取出鎖匙靠近車輛，再偷偷地用匙尖刮花車身，整個過程被車Cam拍下。

在日前，網上亦流出一條天水圍「鎅車破壞王」的車Cam短片，觀察兩段車Cam片段中「破壞王」的外貌和身型頗為相似，有看過兩段影片的網民質疑是同一人所為：「係唔係天慈商場同一個人」，更有眼利的網民指：「同上次天慈嗰條友一樣，條褲有側袋，應該係制服褲嚟，但係顏色唔多同，唔知係咪有色差，一般呢種褲係保安公司制服，我亦見過咪錶維修員著呢種褲。」

同場加映天水圍破壞王連環鎅車

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)