《最佳拍檔》「光頭仔」王嘉明 參加《中年2》留紀念

無綫《中年好聲音2》將於周日（10月1日）晚播出第4集，進行最後一輪60強盲選比賽，繼續有熟悉面孔出場，包括經典港產片《最佳拍檔》系列中飾演麥嘉兒子的「光頭仔」王嘉明、曾於2006年參加全球華人新秀歌唱大賽的甘永傑，以及來自吉隆坡的沈宗賢。

王嘉明一身藍色西裝上陣獻唱《玻璃之情》，十分搶眼。現年40歲、報稱是商人的他透露參賽原因：「10個月大就開始拍戲，由嗰陣時到依家40年，好想做一啲嘢留低做紀念。」評審周國豐說：「你始終係演員出身，你演繹首歌時有感情。」

42歲甘永傑表示5歲女兒雖然認不出當年比賽片段中的他，卻送上暖心鼓勵，他當時對女兒說「我就喺電視再唱畀你聽」，最後因為自己這句話而鼓起勇氣參加《中年2》。甘永傑獻唱《這麼近（那麼遠）》，獲伍仲衡讚唱得不錯；陳慧嫻笑言：「你有啲似陳友哥哥呀！你一定有機會，因為佢退咗休喇，你可以接棒！」

沈宗賢獻唱《愛要怎麼說出口》時，一開始就拉咪曬高音，嚇到肥媽彈起身。他說這次參賽是背負着一個使命︰「要多謝喺天國嘅外婆﹗我由細到大，佢都好想我企喺TVB嘅舞台唱歌。我今日想同佢講：『我得咗喇，外婆！』」張佳添指沈宗賢「有啲爆發力，有啲似上屆嘅林鉫徫」。

（即時娛樂）