坦哈格：我諗大家都知道，呢樣野根本就唔係祕密，我哋今季欠缺9號位球員

曼聯教練坦哈格出席賽前記者會被問到今個夏天會唔會簽前鋒，呢位荷蘭🇳🇱教練就話「我諗大家都知道，呢樣野根本就唔係祕密，我哋都要為長遠作好好打算，因為我哋成個球季欠缺9號位球員🫠。」

坦哈格又話「我哋今季先有C朗拿度離開球隊，然後係馬迪爾唔可以經常上陣，辛祖都唔可以經常上陣，所以我哋需要係比較少進攻球員選擇嘅情況下踢好多場比賽。我哋真係需要一位前鋒，而今個夏天需要收購唔同球員去加強球隊實力😎。」

坦哈格最後就話「其實，曼聯都可以透過唔同方法解決呢個問題，除咗典型9號位球員，仲可以諗下其他球員，就好似我哋之前講過，華舒福都係一位唔錯9號位球員，馬迪爾都係唔錯9號位球員，所以我哋都算有9號位踢波嘅球員，但我哋都需要簽入一啲進攻、有影響力同埋高質素嘅球員，因為佢哋可以增加同改善曼聯進攻球員嘅選擇☺️。」

▼ Follow Football.jai 足球仔

Facebook: https://www.facebook.com/football.jai

Instagram: https://www.instagram.com/p/CkfcN9kyz3M/