薛家燕桃李滿門感欣慰 黃劍文盼拜師學做司儀

潘靜文（Sherman）與黃劍文今日（3日）接受由薛家燕、范振鋒、思敏主持的《開心大派對》節目訪問，Sherman在節目中透露11、12歲已是「家燕媽媽藝術中心」戲劇科學生，與莊錠欣、雲浩影等同出師門。

家燕媽媽一言驚醒並感恩說：「係喎，真係有好多出自家燕媽媽藝術中心嘅學生，潘靜文、莊錠欣、鍾柔美、雲浩影、劉詠彤、區明妙、蔡愷頴、何榛綦、仲有港姐宋宛穎，睇住大家細細個嚟訓練，𠵱家已經咁大個，仲咁出色，我都感到好安慰好開心。」

黃劍文在旁聽到後，笑言也要報讀，家燕姐讚劍文本身唱歌已經好好，不需要再上訓練班，但就提議他報讀這科：「你可以報讀司儀科，你演舞台劇及唱歌已經咁叻，如果做埋司儀就更完美。」黃劍文十分認同，更表示要向家燕姐拜師學做主持。

在節目中，Sherman與黃劍文談到合作的電視飲食節目，劍文自爆被選中原因：「有次返TVB派海報，監製見到海報就話邀請我啦。」家燕姐聞言說：「以前成日聽人講，得閒去敲下監製門，原來真係有用，得閒我都要上去派下海報。」

（即時娛樂）