楊千嬅做《中年2》評審引爭議　伍仲衡：冇常識先覺得評判要唱歌好聽

TVB將於今個周日晚（3月24日）舉行決賽《中年好聲音2之登峯之戰》，最後七強參賽者將會爭奪冠、亞及季軍殊榮。日前公布蔡琴將擔任當晚的表演嘉賓，而評判陣容除了肥媽、張佳添、陳慧嫻、伍仲衡、周國豐外，更邀請楊千嬅擔任嘉賓評審。

《中年好聲音2之登峯之戰》的評判名單公佈後，引起不少觀眾和網民議論。雖然楊千嬅有「行走的CD」的稱號，但不少《中年好聲音2》的fans直指她的實力在最後七強之下，「未夠班」做評判，反建議應該要找陳潔靈、杜麗莎，甚至蔡琴。

有網民指伍仲衡、周國豐同樣未必唱歌叻，但因為他們對於音樂的知識，令他們可以當評判。昨晚（3月20日）伍仲衡就在其專頁分享「中年好聲音2-粉絲討論區」的帖文，該粉絲寫道：「其實千嬅嚟做評判都要比（俾）你哋鬧？你要搵哂（晒）啲唱歌好掂嘅？仲要千嬅唱歌根本唔差，國內咁多歌手佢都可以咁紅，證明唱功！佢喺國內開演唱會門票秒殺，證明人氣！請佢做嘉賓有何不可？難道伍仲衡識唱歌？」。

伍仲衡轉載該帖文，並寫道：「冇常識嘅人先會覺得做歌唱比賽評判一定要唱歌好聽」。有網民留言：「呢段嘢，重點不是楊千嬅，重點係話伍仲衡唔識唱歌」、「王家衛做戲係咪好好」、「伍Sir，躺着也中槍」……