根據Fabrizio Romano同David Ornstein嘅報導，麥巴比(Kylian Mbappe)已經同巴黎聖日耳門溝通，表達今個夏天離開球隊嘅決定，雖然其他細節相未落實，但麥總同PSG嘅關係似乎終於完結。
據報麥巴比「尚未決定」加盟邊一支球會，並且向球會主席強調並無同皇馬達成協議。麥巴比係今個夏天將會約滿，而約滿自由身離隊對PSG無疑會係極大損失，不過實際上麥巴比同球會有一份受法律約束嘅合同，當麥巴比自由身離隊，佢會退還8000萬歐元以保障球會員工。
麥總嘅離去將會為PSG慳返每年2億歐元嘅支出，繼而有助培養陣中嘅新星，例如17歲嘅中場小將艾馬利(Warren Zaire-Emery)、目前外借到RB萊比錫嘅西蒙斯(Xavi Simons)同剛剛歐聯入波嘅21歲翼鋒巴高拿(Bradley Barcola)。與此同時，PSG亦有傳向歐洲球會唔同球星招手，包括曼聯嘅拉舒福特、拿玻里嘅奧森漢同RB萊比錫嘅錫斯高(Benjamin Sesko)。
對於麥總而言，上屆世界盃驚人嘅表現已經展現佢球王嘅水平，理論上歐洲每間球會都對會樂見佢嘅加盟，當中最為合理嘅應該係西甲皇家馬德里，除左係過往招攬不成嘅關係外，今季皇馬陣中前鋒賓斯馬離隊後，仍然唔搵一個有份量嘅前鋒，反而只係借用老將荷西路，買人又連續幾年慳錢，種種跡象都似係為購入麥巴比嘅鋪排。然而，根據Fabrizio Romano嘅報導，皇馬其實已經向麥巴比陣營發送合同，但皇馬給予嘅人工比2年前低，合約金額對比PSG一方亦較少，或許呢一個因素先令麥巴比尚未決定下一家。
最後，若麥巴比加盟皇馬將會再次變成銀河艦隊，中場換血完成，加上前面嘅雲尼修斯同比寧咸，陣容上真係星光熠熠，但到最後麥巴比係咪離隊就有待觀察，畢竟兩年前麥巴比亦係離隊關口做過決定。
▼Follow 足球港場
Instagram: https://www.instagram.com/footballarena_hk/