在樓價升市時代，公屋成為小市民上車的「最低消費」，雖然政府已經加快物色地皮及增建公屋，但公屋輪候冊時間有加無減，等候入住公屋的市民平均要等5.8年才有望「上樓」。公屋輪候時間過長，不但對社會氣氛造成負面影響，更直接成為家庭成員的矛盾大對決。日前，有網民發帖文表示「老豆要加個大陸老婆名落層公屋」，擔心幫繼母加名後，日後有機會被搶走公屋單位。
撰文：經一編輯部｜ 圖片：Unsplash｜原文刊於經濟一週
網民發帖：父親幫內地繼母加名落公屋
不少年輕人都視公屋為上車基本門檻，但由於供求長期失衡，年輕人剛投身社會便申請公屋，期望有朝一日機會降臨到自己身上。
日前，有網民在討論區發文「老豆要加個大陸老婆名落層公屋」，樓主表示父親年屆70多歲，父子二人同是公屋單位的戶主。
不過，爭拗點發生在樓主父親7年前娶了一個內地繼母，因繼母跟前夫所生的女兒跟父親同住，自始樓主再沒有同住，只會偶爾回去吃飯、給父親家用。
樓主憶述，父親明言「唔會加佢（繼母）名，但而家反口了」。
父親著樓主提供入息證明等文件，幫繼母加名落公屋，最後樓主在電話跟繼母吵架收場。
憂失公屋擁有權 網民：千祈唔好心軟
樓主在帖中表示對父親的決定感到失望和擔心，不但因為父親反口加名，更擔心萬一離婚，父親會失去公屋擁有權。
奈何現實是父親與繼母同住，而樓主直言「其實一日個女人仲喺度，我一日都唔會返去」，面對因加名而引起的人生抉擇，樓主擔心人財兩失，左右做人難。
對於樓主父親「70歲仲要送間公屋畀人」的決定，網民紛紛為樓主獻計：「你唔交證明佢就唔可以加名，另外佢要你簽名」、「加戶唔好簽名，你唔簽，加唔到」，建議樓主「千祈唔好心軟」，拒絕簽名。
有網民表示，新聞有不少同類實例，「加咗名，佢就會離婚分戶，或迫你老豆走」。
更大膽假設「佢都係想離婚分屋」、「你根本唔知後果可以幾嚴重」，指自己身邊親人、朋友和同事都試過，直言「全部都無好下場」。
有相對中立網民認為，繼母照顧樓主父親晚年，而且「同住7年，中伏機會相對無咁高」，建議樓主平心靜氣跟父親私底下討論加名的好壞。
事實上，政府近年將公私營房屋的建屋比例由六比四改為七比三，令公營房屋供增加，市場人士認為，政府應提高建屋效率，而且公私營樓雙管齊下，才能讓市民加快「上樓」步伐。
較早前，房委指隨着駿洋邨及暉明邨陸續入伙，編配工作逐步恢復正常，當局會加快編配程序，減低對編配進度的影響。
留言 5
Meow
唔好加, 見過自己長輩同身邊朋友, 無一對有好下場,
攞到身份証同加左名, 下一步就離婚分身家, 人財兩空
2021年06月09日14:10
米朱朱
蝗小三雞為hkid同公屋乜都可以做得出？大劣文盲愚民政策下嘅常態？蝗蟲蝈？偷？搶？騙？乞？雞？什麼都是假的？只有騙子&病毒是真的？冇一個芝麻仁係蘑菇？🐛🐛🐛🐓🐓🐓🍌🍌🍌
2021年06月09日13:08
N
（離題） 想同啲年輕人講講，排公屋嘅盡量唔好太揀擇，否則有排你等；
我屋企人係實例，佢單身時咁岩有特快，就揀左先算；最後好快上樓，之後結婚，住夠10年仲由屯門調到沙田（其實係有好多單位俾佢任揀，無錯，係任佢揀，九龍新界港島都有，咁岩排到佢九龍俾人揀晒，為左要新單位佢揀左沙田；其實當時仲有好多九龍港島區翻新單位可以揀），由180呎搬到320呎！
相反我另一個親戚，成日想揀返某地區（佢成日想住屯門某將會落成新公屋），特快又嫌近垃圾房（而家唔知仲有無呢支歌仔唱，以前近垃圾房都係特快），排左廿年，而家都仲等緊！
重點係最緊要上左樓先，唔好太揀擇！因為特快規定你住3年，3年後你已經可以申請調遷！基本上個理由你話照顧屋企人又得、返工想近啲都可以！如果再加埋結婚生小朋友，你更容易調！住夠10年你調遷係可以任你揀區域！唔駛限住你揀新界區或同區！如果已經預計自己將來會結婚甚至生仔，咪當襯後生捱10年！總好過你排足20年都住劏房⋯⋯啲租都慳左先！
利申：由於我都好耐無打探過親戚情況，所以唔知而家特快嘅單位係點樣；可能而家已經淨返凶宅，咁就當然盡量唔好揀啦，呢啲野唔係人人受得！
2021年06月10日06:37
cpl
你老竇一把年紀，萬一有咩事個女人都驚自己冇地方住，你老竇娶佢自然係like佢，如果佢有好好照顧你老竇，加佢個名都好合理，始終曾樓有一半係你老竇嘅，佢鍾意比邊個都得，你就當係感激佢有好好照顧你老竇。
2021年06月09日12:08
Ming
點解吾得？間屋係老豆！
2021年06月09日10:16
顯示全部