平民港式漢堡殺入荔枝角︱必食厚燒雞堡、手打牛堡

街坊食店添福小食以港式漢堡聞名深水埗，上月小店殺入荔枝角開設新店「添福漢堡」，更揚言「唔想大家因為平去幫襯金拱門，人哋有特價餐，添福都有」，全部漢堡皆設套餐優惠（連薯條及汽水），以平價抵食的港式漢堡與金拱門一較高下。

小店負責人表示正式開業約兩星期，已有不少街坊幫襯，記者探訪時雖然已經過了午市Peak Hour，但仍有附近辦公室的藍領一族排隊輪候，當中不乏外國人，可見添福漢堡的吸引力實在唔惹少。

菜單方面，小店繼續有售本店的厚燒雞堡，雞扒厚身、嫩滑多汁；另外招牌手打牛肉漢堡「添福漢堡」牛肉肉質厚實、味道濃郁，兩款漢堡單點價錢均不過$30，CP值極高。不過負責人表示由於分店仍處於起步階段，暫時只有外賣，未來會考慮加設早餐時段，希望大家繼續支持。

【添福小食荔枝角分店】
營業時間：11:30am - 8:30pm
地址：荔枝角長沙灣道648號中國船舶大廈地下

文｜Layne
圖｜Layne

💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk