尖沙咀美食︱尖沙咀醬油蝦濃湯拉麵
位於尖沙咀的人氣拉麵店，經常大排長龍，店舖最特別之處在於只賣1款拉麵——醬油蝦濃湯麵。佢哋嘅湯底用超過40斤九節蝦蝦頭熬成，所以味道特別濃郁。除此之外，醬油海鮮系列亦係必點，有蠔、北寄貝、鮑魚等款式，每款都好鮮甜，肉質飽滿。而且，為顧及客人的不同食量，老闆仲畀顧客免費追加麵底。有興趣嘅朋友，即睇詳情！
▲醬油蝦濃湯麵($118)：麵底可以揀拉麵或刀削麵底，如果想比較掛湯可以揀拉麵，如果想比較有咬口可以揀刀削麵。
▲蝦湯質感濃稠，味道濃郁，上枱後店員會再幫手淋上蝦油，令蝦香更突出！老闆每日堅持親自到街市揀鮮蝦，手剝超過40斤蝦，經過剝殼、炒殼、熬湯等多重步驟，先製成咁濃郁嘅蝦湯。
▲醬油蝦預先用自家醬油烹煮，食落好入味，肉質彈牙仲大大隻！蝦身已經剝了殼，更容易享用！
▲追加醬油海鮮系列($38/款)：有蠔、北寄貝、鮑魚等款式，每款都好新鮮、唔腥，食得出海鮮本身嘅鮮甜，而且肉質飽滿、大大隻！
幕多
地址：尖沙咀漆咸圍1-3號多福大廈地下A號舖
營業時間：12:00-15:00，17:00-21:00
文字：香港人遊香港
留言 0