達明一派明年成立40年 劉以達盼開騷：要睇明哥意思

劉以達相隔12年再推出個人EP《明日之舞》，今天（14日）舉行記者會 。劉以達表示3個月前才構思出這張EP，因有見香港近幾年出現低谷，他家中附近兩間餐廳開業數十年也結業，就算經營時周末亦只得兩枱客人，他說：「好唏噓，忍不住喊出嚟，去其他地方覓食，就算銅鑼灣同尖沙咀鬧市都好似死城一樣。覺得咁樣落去唔係辦法，要做啲音樂振奮下，同時亦激勵自己要努力，於是著手搞呢張EP，搵嚟潘源良同90年代Gothic樂隊Virus嘅李嘉強幫手，雖然力量唔大，但都希過透過音樂鼓勵大家。」

明年是「達明一派」成立40周年，會否舉行40周年演唱會？劉以達直言當然希望，但也要看黃耀明（明哥）意思，他說：「我哋有電話溝通過，明哥話諗諗先，明年都唔知乜嘢世界，佢𠵱家世界巡迴演唱，之後會去清邁，奇怪當地人會聽佢唱歌？希望成事啦，不過我都係聽天由命。」

明年3月26日是劉以達入行40周年，他表示2月27日是他的62歲生日，計劃與歌迷聚會慶祝兼賀入行40周年。

（即時娛樂）